KNKyî pare kerd ke ê do vera hêrişanê îşxalî yê dewleta tirke yê serê Zap, Avaşîn û Metîna komxebatêke bikerê.KNKyî da zanayene ke armancê nê hêrişan têna gerîlayî nê îşxalê Başûrî yo.

KNKyî îfade kerd ke seba ke vera nê hêrişanê îşxalî 'tewirêko neteweyî' vejîyo werte Kurdîstanî ra û teberê welatî ra ê do temsîlkaranê partî, rêxistin û dezgehan, roşnvîran, akademîsyenan, rojnamegeran û temsîkaranê komelanê bînan ê Kurdîstanî reyde kom bibê.

Komxebate 15ê gulane de bi saeta Ewropa 10.00 de Zoomî ser o do dest pêbikera û heta 20.30 dewam bikera.

Endamê Konseya Rayberdişî ya KNKyî Zubeyîr Aydarî vat: ''Ma armanc kenê ke rayaumûmîya Kurdîstanî û dinya vera hêrişanê Tirkîya hîşyar bikerê. Nika wextê ci yo ke ma vera dişmenî bibê yew û hêrişanê qirkeran vindarnê. Ma venga pêro kurdîstanijan danê ke tewirê xo eşkera bikerê. ''