Kurdîstan de badê sistkerdişê tedbîranê vera Korona nêweşî zêdîyayî. Amed de deweke, Riha de dewekêke û 7 bînayî Mêrdin de zî bînayêke gêrîyayî binê karantîna.

Amed de hewteyo peyên de hûmra nêweşanê ke pê nê janî kewtî resaye 200. Dewa Gozelî ya Kayapinarî ke tede 15 wakayê pozîtîfî estê gerîyaye bine karantîna.

Çewlîg de zî hewteyêk cuwaver têna nêweşêk mendbi la zereyê yew hewteyî de hûmare nêwaşan bîye 25. Tewr peynî de 29ê gulane de hûmara nêweşan bibî 21.

6 taxanê qezayanê Eyyûbîye, Wêranşer, Pirsûs, Karakopru yê Riha de seba ke tede nêweşê vîrusê Korona estê 7 bînayî gêrîyayî binê karantîna. Deweka Asîçayîrî û taxa Soylemezî ya Sêwrege zî gêrîyaye binê karantîna. Şaristan de verê cû zî 5 bînayî gêrîyabî binê karantîna.

Taxa Tepebaşî ya qezaya Qoserî ya Mêrdînî de zî testê vîrusê Korona yê kesêkî/e pozîtîf vejîyayî û dima bînaya ci gêrîyaye binê karantîna.

Hetê bînî ra Êlih de zî rojêke de 37 kesê bînî pê janê Korona kewtî. Goreyê doneyanê 27ê gulane bajar de 625 kesî pê nê vîrusî kewtî û 7 kesan zî cuya xo vînî kerde.