Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkî de eşkerayîyêke daye û nê vatî:

Atêşa tirke ya îşxalkere 14ê gulane de Herêmanê Pawitişî yê Medya de dest pê operaysonêk kerd. Operasyono ke mabanê qilanê Kevotê û Lêlîkanî yê Xakurkê ame viraştene  15ê gulane de destveng peyser ame antene. Gama ke hêzê dişmenî peyser şîyêne hêzanê ma vera înan çalakîya sabotajî viraşte. Çarçeweya Hemleya Şorişgêre ya Şehîd Bager û Şehîde Ronya de wesayîtê kepçeyî  ke ver bi Qilê Lêlîkanî şîyêne ame pirodayene. Çalakîye de 2 leşkerê tirkî ameyî kiştene.

13ê gulane de teyarayanê şerî ye dewleta tirke warê Gelîyê Avaşînî, 15ê aşme de zî warê Qertalî yê Avaşînî ser o bombayî varnayî. Nê hêrişan de vînîbîyayeyê ma çîn ê.