Leşkeranê tirkî taxa Çiliya Jorî ya qezaya Ebaxî ya  Wanî de tuto bi nameyê Azad Bagayo 15 serre yo ke  mîyê xo çerênayêne, bi çeke birîndar kerd.

Bagayo ke saetanê serê sibayî de bi hedefê guleyanê  leşkeran paşta xo ra bi birîndar û hetê merdimanê xo ra ame berdene Nêweşxaneyê Dursun Odabaşiyî yê Zanîngehê Yuzunci Yilî yê Wanî.

Goreyê xebera Ajansê Mezoptamya dayîka tutî derheqê qewimîyayîşî de nê vatî: ''Lajê mi taxa Çili de şaneyîye kerdêne. Saetanê serê sibayî de leşkeran lajê mi ser o guleyî varnayî ke paşta ci ra birîndar bi. Lajê mi nika beşê ciewnîyayîşê giranî de yo û derheqê rewşa ey de zanayîş nêdîya ma.''

Keyeyî muracatê Komeleya Heqanê Merdiman (ÎHD) kerd û hetkarîya huqûqî waşte.