Leşkeranê Îranî hêrişê xo yê vera kolberan zêdînayî
Pasdaranê Îranî herêma Kirmaşanî ya Rojhelatê Kurdîstanî de hêrişê kolberan kerd û di kolberî birîndar kerdî.
Goreyê xebera Kolbernewsî hêzanê dewleta Îranî mîyanê sînorê Newsûdî yê Kirmaşanî de hêrişê komêka kolberan kerd. Hêriş de birayî Beşîr Ehmedzade û Besîr Ehmedzade bi giranî birîndar bîyî û wedarîyayî nêweşxaneyê Pawe.
Goreyê xebera Kolbernewsî 13ê hezîrane de Bane de kolber Mesûd Xizirnejad hêrişê pasdaran de merd. 12ê hezîrane de zî Selas Bwecanî birîndar kerd, Hemîd Weysî zî kişt. 11ê hezîrane de pasdaran kolber Kerîm Pûr kişt.
Hêrişê vera kolberan zêdîyenê. Tirkîya û Îran bi hawayêkê keyfî hêrişê kolberan kenê.
