Warê Çobanderesî yê qezaya Xelîlîye yê Riha de vera birnayîşê ceyranî yê DEDAŞî citkaran pê traktor û wesayîtanê xo rayîrê Riha-Mêrdînî trafîkî rê qefilnayî. Citkarî serê sibayî ameyî yewca û înan pare kerd ke birîyayîşê ceyranî ra berhemê înan ê zîretî wişk bîyî û ê mexdûr bîyî.

Çalakîye de rayîrê Riha-Mêrdînî ser de wesayîtî rêz bîyî. Dewleta tirke xeylêk leşkerî erşawitî warê çalakîye. Leşkeranê tirkan dormeyê citkaran girewt. La citkaran apey gamêke nêeşte. Leşkeranê tirkan pê bombayanê gazî hêrişê citkaran kerd.

Verî zî citkaran Sêwereng, Hîlwan û Wêranşar de vera DEDAŞî çalakîye kerdbi.