Operasyonê eskerî yo ke 27‘ Çele  de mehla Pêçar û mezrayanê qezaya Licê ya Amedî destpêkerd, bînşewe qedîya. Çarçiweya operasyonî de sereştişê keyeyan ameyî kerdene û 2 kesî ameyî destbenkerdene.

Dewa Hovît ya qezaya Bongilanî ya Çewlîgî de zî vizêr saetanê serê sibayî de yewîyanê taybet eşt keyeyan ser. Eskerî ke bi helîkopteran ameyî berdene bi dewe, dewe girewte binê ablûqa. Dima zî bi îddîaye gerreyî 3 keyeyan de cigêrayîş kerd. Cigêrayîş de keyeyî ameyî ser û bin kerdene. Eskeran keyeyêk de 4 saetan de 3 rey cigêrayîş kerd. Wayîrê keyeyî Zîhnî Gormezî reaksîyon ramot û vat ke no zulm o. Refîka Goremeze zî hêrsê ard ziwan û vat ke çîyo wînayên nêno qebûlkerdene.

Hetê bînî ra ewro zî dewanê qezayanê Xorxol û Çêrme yê Çewlîgî de zî  eskeran eşt keyeyan ser. Demo peyên de dewanê Çewlîgî de cigêrayîşî zêdîyayî.