Lîsteya Yewina Pawitişê Sînorî ya Iraqî ya ke hetê PDKyî ra vera gerîlayan yena perwerdekerdene, resaye destê ANFyî. Lîste de name, peyname, rojê muracatî û hêzê înan ê verênî cagênê.
Dîmenê merasîmêkê leşkerî yê Zaxoyî dima ke medyaya dîjîtale de ameyî parekerdene tay nîqaşan zî dest pêkerd. Dîmenan ra eşkera beno ke na herêma binê kontrolê PDKyî de dewrîyeyê perwerdeyê leşkerîyî est ê. Nê hêzê leşkerîyî pabesteyê Yewinanê Pawitişê Sînorî yê Iraqî yê ke hetê PDKyî ra vera gerîlayan yena perwerdekerdene. Lîsteya name, peyname, rojanê muracatî û yewinanê nê hêzan ê verênan resaye destê ANFyî.
Başûrê Kurdîstanî binê tehlukeyî de yo
Seba ke PDK semedê menfaetanê xo ameyoxê welatî keno qurban, Başûr tehlukeyanê pîlan de têrî yo. PDKyî tewr peyên bi rayîrê rojnameyê xo Xebate dezgehê Silêmanî yê welatperwerî kerdbî hedef. PDK qestî ra şorişgêr, welatperwer û demokratan keno hedefê dewleta tirke ke no taktîk taktîkanê Barzanîyan ra yo.
Saddamî ra heta Erdoganî
1999 de PDKyî vera YNKyî rejîmê Baasî yê qirkerî de hemkarîye kerdbî.Ewro zî PDK hemkarîya rejîmê Erdoganî keno. PDK hemkarîya îşxalê dewleta tirke sey felata xo vîneno. Dîya zaneyene ke PDK lez keno ke Yewinanê Pawitişê Sînorî şerê vera gerîlayan amade bikero.
Merkezê Zaxoyî de rayraşîyayîşo leşkerî
Merkezê Zaxoyî de hêzê ke bi sloganan dewrîye şîyêne şarê herême zî qerqilnenê. Ame îfadekerdene ke nê hêzî verê cû waranê dûran de îçtîma kerdêne û reya verêne Zaxo de ame çarnayene.
Nameyê înan eşkera bîyî
Dîya zanayene ke seba ke Yewinanê Pawitişê Sînorî rê hêzî bêrê dîyene xeylêk cayan de xebatî yenê kerdene. ANFyî xo resna lîsteya name û peynameyê nê kesan, roja muracatê înan û yewinanê înan ê verênan. Lîste de qasê 360 nameyî est ê.
PDK hêzanê leşkerîyan ano pêser
Ame parekerdene ke hêzê na yewine hêzanê PDKyî yê bi nameyê Zerevanî û Gulane ra yenê pê û hema zî leşkerî gêrîyenê na yewine. Ame pêhesnayene ke nê hêzê kîrakerdeyî perwerdeyî ra dima sewqê waranê sey Dihok û Amedîyê benê.
