Teşkîlatê îstîxbaratî yê PDKyî Parastin û MÎTî verî di hewteyan  Otêla Rixosî ya Duhokî de kombîyayîşêk kerd. Kombîyayîş de vera PKKyî planêko hîra ame amadekerdene. Goreyê naye; hêzêko hempar yo ke kincanê gerîlayan keno piray do hêrişê asayîşê Duhokî û merkezê polîsan bikero û qirkerdişêk bikero. Reyna do sivîlî û tay tirkmen zî sey hedefî bêrê girewtene. Bi nê hawayî fikrê şarî yê vera PKKyî do bêro bedilnayene ke hêrişêko xurt yê vera PKKyî bêro amadekerdene.

Goreyê zanayîşanê ke asayîşê Duhokî ra kesêk dayî ANFyî; Fazil Mîranî bi îdareyê Duhokî yê PDKyî û tay rayberanê eşîran de kombîyayîşêko teng kerd. Kombîyayîş de nê ameyî vatene: ''Zextê rayapêroyî serê PDKyî de esto ke bitaybetî Bedhînan de şar vera înan dekerde yo. PKK do Bedînan de hêriş bikero. PDK zor bidîyo ci do xo bipawo la rayberê eşîran do zirarêko gird vînê.Coka ganî tedbîr bêro girewtene.'' Fazil Mîranî bi nê kombîyayîşan pede-pede mezgê şarî de PKKyî sey hêrişkar ca keno zanayîşê sey ê do hêriş Dukokî bikerî vila keno ke no leteyê planê hemparî yê înan û dewleta tirke yo.

Çimeyo ke zanayîş da ANFyî vat Fazil Mîranî amadekarîya planê hemparî yê MÎT û Parastînî rayra beno. Çarçeweya amadekarîye de  kincanê gerîlayî ra 200 kat kincî bîyî amade. Goreyê planî îstîxbaratkarê tirkî û hêzê taybetî yê PDKyî do nê kincanê piray bikerê û hêrişê asayîşê Duhokî û noqtayanê polîsan bikerê. Reyna şexsîyetê ke muxalefetê vera PDKyî rê rayberîye kenê û tay şexsê girîngî yê tirkmenî zî yenê hedef girewtene û nê hêrişî senî ke PKK bikero do bêrê ramojnayene.

Bi nê planî nê yenê hedefkerdene:

* Vernîya muxalefetê komelkî yê vera hemkarîya Tirkîya û PKDyî bêro girewtene.

* Heskerdişê şarê Behdînanî yê seba PKKyî biaçarîyo dişmenîya mendeye.

* Hêrişê PDKyî yê vera HPGyî bêro meşrukerdene.

* Tirkmenî yenê hedefkerdene ke Tirkîya pîya bi PDKyî tewrê nê şerî bibo.

* Rayapêroyîya teber û zereyî de şerê Tirkîya PDKyî vera PKKyî bêro meşrukerdene.