Gerîlayê HPGyî Hogir Amanosî ANFyî rê qisey kerd û qala sebebê tewrbîyayîşê xo kerde.

Gerîla Hogir Amanosî ard ziwan ke dewleta tirke vera kurdan şerêkê taybetî ana ca, kayan kay kena, şarî rê teda kena û vat: ''Mi nê raştîyî dîyî. Bi taybeyî wextê şerê Zap û Avaşînî binkewtişê dewleta tirke bi zelalî mojneno. Nêweşxaneyê Geverî bi cenazayanê leşkeran pir bibi. Labelê çapemenîya dewlete ca nêdayêne ney. Mi nêzanayêne senî vera nînan tewirê xo bimojna.

Dima mi felsefeya Rayber Apoyî şinasnaye. Hetê bînî ra hêrişanê bi çeka kîmyewîye zî hêrsê mi zêdîna. Sey ciwanêkê kurdî ez nêeşkaya nê kerdişan tesdîq bikera. Coka mi bire daye ke ez tewra gerîlayan biba. Gerîlatîye seba mi bîye warê perwerdeyî. Ez bi roşnîya fikr û felsefeya Rayber Apoyî zaf bihêz bîya. Vera kayanê Îran yan zî Tirkîya, vera îşxalî têkoşîno tewr raştikên û netîcegîr tewrbîyayîşê felsefeya Rayberîye yo.

Vera gerîlayan çekê kîmyewîyî şuxilîyenê. Rixmo ke nê çekî qedexe yê dezgehê mîyanneteweyî dewleta tirke rê çîyêk nêvanê, vengê xo nêkenê. Ewro bi mîlyonan kesî seba azadîya Rayberîye mîyanê çalakîyan de yê. Vera tecrîdî û nê şerî tewiro tewr bitesîr tewrbîyayîşê gerîlayan o. Ganî şarê kudî her roje vera hêrişanê îşxalî çalakîyanê bitesîran bikero, wayîrê gerîlayan vejîyo. Ganî ciwanî tewrê gerîlayan bibê.  Ma eşkenê wina cewabê dewleta tirke bidê û aye biin bivisnê.''