Gerîlayê  HPG û YJA Starî Newroza 2023yî vera hêrişanê dewlata tirk a îşxalkere bi xoverdayîşî verwazî  kenê. Gerîlayan ard ziwan ke ê bi perspektîfê cuya azade yê Rayberê Şarê Kurdî Abdullah ocalanî şer  kenê û vat ê do gird biciwîyê û gird şer bikerê û  biresê serekewtişî.

Gerîlayanê YJA Starî Rengîn Amed: ''Newroze yena manaya newe ra ganîbîyayîşî. Xoverdayîşê ke bi Kawayê Asinkarî dest pêkerd bi Mazlûm Dogan û Zekîye Alkanan bêmabên dewam keno. Beyraqa ke embaz Mazlûmî Zîndanê Amedî de vera teslîmîyetî kerde berze, resaye ma û ver bi serkewtişî şina.  Şarê ma erdlerzî ra zaf dejo gird ant û hema zî tengayî anceno. Ma dejê şarê xo pare kenê. Ma do bi xurtkerdişê xoverdayîşî şarê xo nê zilmî ra bixelisnê û derba girde bidê dişmenî ro. Ma do qesasê şehîdan û şarê xo bîgêrê. Ma nê sozê xo bi adirê Newroze newe kenê. Newroza Rayber Apo û şarê ma bimbarek bo.''

Gerîlayê HPGyî Xemgîn Mîrkan: ''Sere de ez Newroza şarê ma bimbarek kena. Ma prosesê zehmetî ra ravîyarene. Dişmen her hetî ra hêriş keno. Gerîla û şarê pîya bi têkoşînê xo tarîxê destankî nusenê. Bi têkoşînê Zap, Avaşîn û Metîna planê dişmenî ameyî betalkerdene. No têkoşîn bi îdeolojî û felsefeya Rayberîye vejîya werte. Ma dejê erdlerzî yê şarê xo zerrîya safî ra hîs kenê. Ma do hesabê nê dejî dişmenî ra bipersê. Şarê kurdî erdlerz de mergî rê ame caverdayene, sêwirî dîyayî tarîqatan. Nê reyna polîtîkaya qirkerdişî yê dewleta tirke yê vera kurdan fîneno çiman ver. Têna yew rayîrê ma est o , o zî rayîro ke Rayber Apoyî semedê ameyoxê azadî akerdo.  Gerek na Newroze de bi paştîdayîş û yewbîyyaîşî ma kayanê dişmenê bixeripnê. Yewbîyayîşê şar û gerîlayan do bibo pirdê ameyoxê azadî. Hêvîya şarî gerîlayî, hêvîya gerîlayan zî şar o. Yewbîyayîş û xoverdayîş do peynîya îqtîdarê faşîstî bîyaro.''