Gerîlaya YJA-Starî Heybete Gungen (Rûkene Şirnex) Şirnex de dadîya xo ra bena û Botan de keyeyêkê welatperwerî de bena pîl. Rûkene zulm û zorbazîye dewleta tirke nêzdî ra vînena. Rûkene serra 2010î de verê xo dana koyan.

Embaza aye Denîze Derya wina qala Rûkene kena: ''Rûkene perwerdeyê xo ra dima ameye warê Kato Jîrka. Ma heman tîmî de bîyî. Rûkene qijkek bîye la seba ma çimeyê moralî bîye. Bi taybetî hetê rêxistine ra xîret kerd ke xo aver bêra. Hetê embazanê xo ra zaf ameyêne heskerdene. Rûkene komanê çalakîye de bîye. Çalakîyêke de Rojhat û Azadî reyde da konvoyêkê dişmenan û na çalakîye de xeylêk leşkerî aameyî kiştene. La Azad birîndar bibi û embazanê xo ra waşt ke şorê û şer dewam bikerê.

Hêzanê dişmenî pê dafika tîpê Cyî hêrişê embazan kerd ke ci ra xelisîyayîş zor bi. Bi nê hawayî zî embazanê ma hîrê-çar çeperê dişmenî çin kerdî. La nêeşkîyayî mîyanê dafike ra bivejîyê. Wexto ke fîşekê embaze Rûken qedîyenê bomba serê xo de teqnena û bena şehîd. Embaze Rûkene serra xo ya qijkeke de şehîd bîye. 

Şehadetê ci zaf tesîrê tîmê ma û herême kerd. Embazanê ma çalakîye de 17-18 leşkerî kiştî. Dişmanan hêrsî ra cenazaya embaze Rûkene Elkê de peyê panzerî de girêdaye û merkezê qeza de kaş kerde. Armancê înan tersnayîşê şarî bi. La xoverdayîşê Rûkene kerdişê dişmenan ra tesîrêr bi Embazê Rûkene heta peyêne do wayîrê vîrameyîşê ci bivejîyê.''