Erdîşê Wanî  de bi wesîleya 15ê Gulane Roşanê Ziwanê Kurdkî bi şîarê “Her dem Kurdî her der Kurdî " mîtîng ame kerdene. Mîtîng de pankartê sey  “Her dem li her dere bi Kurdî bi axivin, bi  Kurdî bixwinin, bi Kurdî binivîsînin, bi Kurdî bijîn”, “Divê zimane Kurdî bibe zimanê fermî” ameyî daliqnayen û dovîzê xey “Kurdî hebûna me ye”, “Bê ziman jiyan na be”, “Kurdî dayîka me ye”, “Jin, jiyan, azadî” ameyî kiriştene.

Mîtîngo ke serkêşîya DEM, DBP, HDP, ARSİSA, TJA û Kovara Destarî de ame kerdene Hemserekê Pêroyî yê DBPyî Keskîn Bayindir û Hemşaredara Bajarê Pîlî yê Wanî Neslîhane Şedal û Wekîlê DEM Partî Mahmut Dindar zî tewrê ci bîyî.

Diba Keskina ke bi nameyê TJA qisey kerd semedê wayîrvejîyayîşê kurdkî veng da û vat: ''Têna pê qale ziwan nêpawîyeno. Ganî ma hîs de, fîkr , wîjdan de kudkî bipawê. Ganî ma qet erjêkê xo xo vîra mekerê û wayîrê ci bivejîyê. Kurdkî ziwanê ma yo, nasname, tarîx û estbîyayîşê ma yo. Kurdkî qiseykerdiş wayîrvejîyayîş mîrasê pîlanê ma yo. Ganî ma berpirsîyarîya xo bîyarê ca.''

Keskîn Bayindirî zî vist vîrî ke kurdî têkoşînê ziwanî danî û nê vat:  ''Ziwanê ma ziwanê hezar serran o.Ziwanê ma ziwanêko qedîm o. Çend asîmîlasyon bibi zî, ma sîyaset de, parlamento de do wayîrê ziwanê xo bivejîyê. Ma kurd ê, ma Kurdîstanij ê. Bi polîtîkaya seserran ziwanê ma qedexe kerd. Wazenê bi çînkerdişê ziwanî estbîyayîşê kurdan zî çîn bikerê. Ma do her warî de wayîrê ziwanê xo bivejîyê, her warî de ziwanê xo bidê ciwîyayene û nê polîtîkayan betal vejê. Ma do bi têkoşînî ziwanê xo bikerê ziwanê fermî.

Mîtîng de Koroyê Koma Zarokên Zîlanê deyîrê xo vatî. Şarî pîya bi koroyî deyîrî vatî. Mîtîng bi cinayîşê muzîk û govende qedîya.