Destpêkê Hemleya Bazanê Zagrosî ra nata gerîlayê azadîye bi taybetî waranê Herfa Tyî û Cîloyê Biçûkî yê Ertûşî yê Zapî de xo ver danê û gerîlayê YJA-Starî zî rayberîya nê xoverdayîşî kenê. Gerîlayê YJA-Starî Amara Cûdî Welat û Govende Zagros vera hêrişanê dewleta tirke xoverdayîşê Zapî de ca gênê. Wird gerîlayan ANFyî rê qala xoverdayîşê xo kerde.

Gerîlaya YJA-Starî Amara Cûdî Welat vat: ''Ma do pê kelecan û coşê xo dişmenî bin bikewê. Cara pêro raştîyê nê şerê gemarinî werte de yê. Dewleta tirke tim wasfê teknîkê xo dana la gerîlayan teknîkê înan pûç kerd. Pratîkê ma werte de yo. Rixmê teknîkê xo zî dewleta tirke hema zî ser nêkewte. Ma do meverdê a do ser bikewa. Heta ke gerîlayêke bimana no xoverdayîş do dewam bikero.''

Gerîlaya YJA-Starî Govende Zagros vat: ''Ma Hemleya Bazanê Zagrosî de ca gênê. Dişmenî Zap, Metîna, Avaşîn û Vakur de operasyonê îşxalî da destpêkerdene. Her çiqas dişmen pê pêro hêzê xo ame ma ser zî tarîxî reyna şahîdîya hêzê qesasî yê gerîlayan kerde. Heta ke ma Rayberîya xo azad bikerê, şarê xo rê welat û cuya azade dîyarîye bikerê çalakîyê ma do dewam bikerê. Ez pêro embazanê ke Hemleyanê Cengê Xabûrî û Bazanê Zagrosî de ca gênê selam kenê.''