Gerîlayê HPG û YJA-Starî çarçewa Hemleya Bazanê Zagrosî de vera hêrişanê îşxalî yê dewleta tirke yê serê Başûrê Kurdîstanî xoverdayîşê xo rê dewam kenê. Gerîlayan ard ziwan ke ê do qetî erdê Kurdîstanî û şarê kurdî ra fek vera nêdê.

Gerîla Vîyane Tolhildan vat: ''Dişmen pê pêro îmkananê xo hêrişê ma keno. Dewleta tirke vera ma çeka kîmyewîye şuxilnena. Êyê ke tewrê operasyonê ci benê çeteyê cayan ê cîya-cîyayan ê. Ma do pê ruhê fedayî heta peynî vera nê hêrişan xo ver bidê. Dişmen xeyrê xoverdayîşê embazan de nêeşkeno ser bikewo. Ma çend reyî dî ke leşkerê dişmenî senî remenê.''

Gerîla Roza Nûjîn vat: ''Xoverdayîşê Mamreşoyî ma rê zaf girîng o. Ma hê rêçê ê embazan ê şehîdan de yê. Wa dişmen hol bizano ke ma erdê xo Kurdîstan de do bimanê û şer bikerê. Vera îşxalê dişmenî ganî cinîyî payan ser o bimanê. Ganî şarê Vakurî bi taybetî şarê Başûrî vera îşxalî têbigêro. Ez sey cinîyêka rojhelatije cinîyêka sorane venga ciwananê Başûrî dana ke vera dişmenî sere wedarnê.''

Gerîla Devran Urfayî vat: ''Dewleta tirke propaganda kena vana 'PKK qedîyayo.' La gerîlayî do çin nêbê. Ma milîtanê Serek Apoyî yê û xoverdayîşê xo rê do dewam bikerê. Ma do qesasê embazanê xo bigêrê. Heta ke dişmen Kurdîstanî ra vejo çeka ma destê ma de ya.''

Gerîla Avaşîne Delîla vat: ''Armancê dewleta tirke PKK nîyo îşxalê pêro Kurdîstan o. La dewlete vera xoverdayîşê gerîlayan neçare mende coka dest eşt çeka kîmyewîye. Zap, Cîlo de xoverdayîşê tarîxî dest pêkerd. Embazê ma 4 rojî yo xo ver danê. Ma do Kurdîstan dişmenî rê bikerê goristan, qesasê embazanê xo bigêrê. Ma do qetî erd û şarê xo ra fek vera nêdê.''