Gerîlayî vera hêrişê îşxal û îmhayî yê dewleta tirke xover danê. Îqtîdarê AKP-MHPyî yo faşîsto ke nêeşkeno vera gerîlayan aver şiro gazê kîmyewîyî şuxulneno.

Gerîlayê HPGyî Canşer Botanî hamleyê Bazanê  Zagrosî û Cengê Xabûrî ANFyî rê ercnayî.

Botanî ard ziwan ke operasyonê îşxalî yê dişmenî yê vera eyaletanê Avaşîn, Zap û Metîna bitaybetî semedê îşxalkerdişê Başûrê Kurdîstanî yeno kerdene û vat: ''Dişmenî operasyonê vera warê Garê de zî gama ke Sîyanê Şkeftîn de raştê xoverdayîşê bêhempayî ame gazê kîmyewîyî şuxulna. Sîyanê de hemrayê ma heta şehadetê xo pê qehremanîya pîle şer kerd û resayî serkewtişî. Dişmeno ke eyaletanê ma yê Avaşîn, Zap û Metîna de netîce nêgeno xeylêk waran de reyna sûcê şerî kerd û gazê kîmyewîyî şuxulna. Dişmenî heta nika zaf hemra û şarê ma pê gazî şehîd kerdî. Dewleta tirke qaydanê şerê mîyanneteweyî binpay kena. Ma zî pê terz û taktîkane gerîlayanê neweyan heme teknîkê dişmenî pûç vejenê.''

Gerîla Botanî derheqê xoverdayîşê gerîlayan ê vera hêrişê îşxalî de nê vatî: ''Ma embazanê xo yê ke Metîna, Avaşîn û Zap de şer kenê selam kenê. Ma pê bawerê ke hemrayê ma yê ke nika mewzîyan de şer kenê do ser bikewê û ma nayî ra morelê pîlî genê. Hemrayê ma yê ke mewzîyanê germinan de yê bi ruhê gerîlayanê serkewtişî taktîkanê demê neweyî pratîk de anê ca. Heta nika dişmen hema cesaret nêkerdo ke bikewê qet yew şkeftê ma. Heme cayan de ke dişmenî waşto tede xo ca bikero pê taktîkanê neweyan ma peyser qeldayî. Xoverdayîşê embaz Şoreş û 15 hemrayanê ma yê ke bi qehremanîye şehîd kewtî, mojna ma ke ma do senî şer bikerê. Hemrayê ma bi ruhê Şoreşan mewzîyan de şer kenê û ma do bi nê ruhî ser bikewê. Nika me heme mewzîyanê xo de vera pêro hêrişanê dişmenî amade yê.''

Gerîla Caşer Botanî peynî de no mesaj da: ''Ma bi ruhê xoverdayîşî yê Şoroşen amede yê. Ma pêro gerîlayî sey rêzilêk pabesteyê yewbînan ê. Her serkewtiş heme gerîlayan ser o tesîr keno. Ruhê xoverdayîşê embazanê ke mewzîyan de yê ma zî motîve keno. Ma do çirey destûr nêdo dişmen bikewo waranê ma. Ma do rêçê Şehîd Şoreş û embazanê xo yê şehîdan de rayra şirê û verê dişmenî bigîrê. Ça beno wa bibo, hem tîya de hem waranê ke ma do şirê ci ma do her ca de bi stratejîya newîye têoşînê pîlî bidê.''