Gerîlayanê YJA-Starî bi wesîleya serrgêra şehadetê ci şehîde Bêrîtana ke kadroyanê PKKyî yê serkêşan ra ya yad kerde. 

Gerîlaya Arîne Merwan vat: ''Embaze Bêrîtane qetî verê hêrişanê dişmenî de sereyê xo nêard war. Aye pê tewir, kesayet û çalakîya xo tesîrêko pîl viraşt. Çalakîya aye ya pîle ra dima artêşa cinîyan ronîyaye. Xêrê embaze Bêrîtane ra asta têkoşînî resaye asta tewr berze. Ma sey gerîlayanê YJA-Starî ewro koyanê Kurdîstanî de, vera dişmenî têkoşîn û xoverdayîşê Bêrîtane, Zîlan û Vîyanan xo rê kenê esas.''

Gerîlaya YJA-Starî Raperîne Zinar vat: ''Ez şexsê embaze Bêrîtane de pêro şehîdan yad kena. Embaze Bêrîtane fermandaranê ma yê serkêş û pîlan ra yew a. Embaze Bêrîtane bi çalakîya xo bîye wesîleya ronîyayîşê artêşa cinîyan. Ma sey teqîbkerdoxanê aye do tim rêçê aye ser de şorê. Embaze Bêrîtane vera îxanet, hemkarî xoverdayîş weçîna. Ma do armancanê aye qetî bîyarê ca.''