Şerwano enternasyonalîst Têkoşer Malatesta amerîkayîj o û serrêke ra nata pawitişê Rojawanî keno. Malatesta 2020 de ame Rojawan. Malatestayî hîkayeya xo ya şerwanîye û Rojawanî ANFyî rê vate.

Malatestayî eşkera kerd ke dima ke ey îdeolojîya Rayber Apoyî şinasnaye bire daye ke bêro Rojawan. Malatestayî vat: ''Mi verî zî Bakunin ûsn wend. La mi çîyo ke cigêrayêne ci nuşteyê Abdullah Ocalanî de dî. Mi Rayber Apo keşf kerd û seba na îdeolojî ez ameya Rojawan. Seba azadîya fîzîkî ya Abdullah Ocalano ke bindestan paweno ganî her kes têkoşîn bikero. Ez tîya de xeylêk şaristanan de mîyanê asûr, sûryanî, ereb, kurd û tirkmenan de menda. Embazan vatêne şorişî ra verî no mumkîn nêbîyêne la ewro Rojawan de şar têkişt o. Tewir û îdeolojîya YPGyî nê hetî ra zaf tesîrê mi kerd.

Komployê vera Rayber Apoyî îsbat keno ke o seba pêro merdimîye têkoşîn kerdêne. Dewletê Ewropa û Amerîka têna menfatanê xo fikirîyenê. Înan bire daye ke Rayber Apo seba înan tehluke yo. Amerîka coka serkêşîya komployî kerd û îşxalê Rojawanî tesdîq kerd. Amerîka dişmena kurdan û şaranê Rojhelatê Mîyanênî ya. No komplo têna vera Rayber Apoyî nê vera pêro merdimîye ame kerdene. Ma azadîya Rayber Apoyî wazenê. Çunke o têkoşînê kurdan ê vera dewleta tirke ya faşîste temsîl keno.

Dewleta tirke têgêrayîşê ma çin hesibnena. Dewleta tirke Şorişê Rojawanî înkar kena û hêrişê ci kena. Ez venga pêro şorişgêranê dinya û Amerîka dana ke têna Rayber Apo mewanê fikranê ci zî biciwîyê bîyarê ca. Bêrê tewrê têgêrayîşî bibê.''