Endamê Fermandarîya Qerarqehê Merkezê Pawtişê Şarî Amed Malazgîrtî pê bêtelî veng kerd heme gerîlayanê ke Herêmanê Pawitişî yê Medya de yê. Malazgîrtî gerîlayê ke xoverdayîş de ca genê selam kerdî û wina qisey kerd:

''23ê ê nîsane de operasyonêk vera Metîna, Zap û Avaşînî dîya destpêkerdene ke xora ma pawêtene. Artêşa tirke semedê nimitişê vînîkerişê xo yê Garê dest pê nê operasyonî kerd. PKKyî sey sebebê nê operasyonî ramojnenê la hedefo esasî oyo ke xo sey leşkerî Başûrê Kurdîstanî de xo ca bikerê û dima ra Musul û Kerkuk de ca bidê xo. No qerar 2016 de ame girewtene.  Wazenê zengînîya petrolî yê na cografya talan bikerê. Dewleta tirke zana ke gerîlayê PKKyî destûrê nayî nêdanê.

PKKyî zanayîşê neweweyî şarê kurdî rê da qezenckerdene. Pê çînkerdişê PKKyî wazenê kurdanê biîrade, xoverdayox û azadan çîn bikerê. Coka wina hêriş kenê. Vakurê Kurdîstanî de bi destê dewlete û heme îmkananê ci û hêzanê xo yê çeteyan her hetî ra hêrişê kurdan kenê. Artêşa tirke paştdayîşo ke dewletanê NATOyî ra gena vera şarê kurdî û gerîlayanê ci şuxulnena. Êyê ke paştî danê Erdoganî qirkerdişê vera kurdan ra berpirsîyar ê. Eke Ewropa vera polîtîkaya îşxalî ya dewleta tirke mevejîyo, no do înan zî bifîno tengayî.

Ganî pêro şar û ciwanê kurdan vera zextê dewleta tirke têkoşîn bikerê û wayîrê xoverdayîşê Gerîlayanê Azadîye yê Kurdîstanî yê ke Zap, Avaşîn û Metîna vejîyê. Ganî paştî bidîyo hemleyanê şorişgêran ê Bazanê Zagrosî û Cengê Xabûrî. Gerîlayê ma Avaşîn û Zap û Metîna de xoverdayîşêkê bêhempa danê. 12 rojî yo xoverdayîşo tarîxî yeno dayene.

Mesela Avaşîn de di hetan ra operasyon ame kerdene. Hetêkê ci warê Mamreşoyî yo. Bi desan teyarayanê şerî tîya vera gerîlayanê ke mewzîyanê stratîjîkan tepişenê, hêriş kerd. Embazê ma Qilê Şehîd Munzurî yê Mamreşoyî de 10 rojî bi hewayêkê qehremankî xover da û destûr nêda dişmen bikewo tunelanê şerî. Tîya xeylêk leşkerî ameyî kiştene. Hêzê dişmenî ke derbê pîlî werdî vera tunelan gazê kîmyewî şuxulna û embazê ma şehîd kerdî.

Reyna Qilê Şehîd Serdarî yê warê Mervanosî de zî 12 rojî yo xoverdayîşo qehremankî yeno dayene. Dişmeno ke nêeşka nê qilî bifîno dest pê teryaranê şerî û teqnayîşan wazeno tunelî birijno. Tîya çend rey gazê axûyînî ameyî şuxulnayene. Rixmê nayî nêşekayî qilî bifînê dest. Tîya hema pêkewtişî estê.

Dişmenî îradayê bazanê Zagrosî dî. Înan dî ke embazê ma sey grûbêke yew qilê de bi desan rojan vera heme teknîk û bi seyan leşkeranê dişmenî senî xover danê. Gerîlayan derbê pîlî dayê dişmenî ro. Erazî de pê çalakîyanê sabotaj û sûîqestî dişmen felç kerd. Qilê Pîramîtî yê Avaşînî de embazê ma kewtê mewzîyanê dişmenî ê kiştî serê înan ra çeke dart we. Reyna waranê Qela Bêdewê û Ciloyê Qicî yê Zapî de embazanê derbê pîlî dayî dişmenî ro û helîkopterêk derb kerd. Beno ke na xete de pêkewtişî xorîyêr bê.  Qilê Zendûra yê Metîna de zî dişmenî leşkerê xo ca kedî. Tîya pêkewtişê giranî ciwîyayî. Ebzanê ma bi xoverdayîşê pîlî verê dişmenî girewt û bi hewayêkê qehremankî xover danê.

Operayonê Pençe-Yildirimî de Avaşînî de 11 embazê ma şehîd bîyî. Nê embazanê ma ra nasnameye embazanê ma yê Asya, Ekîne, Dilşer û Çîyagerî ameybî eşkerakerdene. Nasnameyê embazanê ma yê bînan newe zelal bîyî, siba do bêrê eşkerakerdene. Reyna Zap de operasyonê 11 rojan de embazê ma Delale, Vîyane û Bawer şehîd bîyî.Xora nasnameyê înan ameybî eşkerakerdene. Avaşîn û Zap de xeylêk leşkerî ameyî kiştene. Rojanê verê ma de ma do bilonçoya pêroyîye bidê.

Ma embazanê xo yê xoverdayoxan selam kenê û veng danê şarê kurdî û bitaybetî ciwananê kurdan ke wa tewrê Hemleya Şorişgê ya Bazanê Zagrosî bibê, her ca de paştî bidê ci û hemleya azadîye pîlêr bikerê. Gerîlayî do sozê xo tepişî û wezîfeyê xo heta peynî bîyarê ca. Wa nayî ra şikê çewî/e çînêbo. Semedê herra kurdîstanî bedel çi beno wa bibo ma do nê bedelî  bidê. Dişmen do qetî na herre de bêro binkewtene.

Wa hesabê wirdiyî sey qefilnayîş, ceza û tepiştişî nêrê kerdene. Ma demo tarîxî ra ravênê, ganî goreyê nayî bêro têgêrayene. Hînî çîyo ke ma bitersî nêmend. 40 serrî yo çîyo ke ma nêdî nêmend. Ciwanê ke nêeşkenê tewrê gerîlayan bibê wa vera sazgeh û dezgehanê dişmenî çalakîyan bikerê. Vera Rayberîye hêrişê giran esto. Ganî vera hêrişê topyekunî xoverdayîşê topyekunî bêro dayene. Ma soz danê ke heta ke dişmenê herra bimbareke ya Zagrosî ra bêro vetene do têkoşînê ma dewam bikero.''