Endamê Koordînasyonê Komelê Êzidîyan û Endamê Konseya Rayberdişî ya KCKyî Zekî Şengalî serrgêra 3. ya şehadetê xo de koyê Şingalî pê merasîmêkî ame yadkerdene.

Nameyê fermandarîyanê YBŞ û YJŞyî ser o Arîf Şengalîyî merasîm de qisey kerd û îfade kerd ke Mam Zekî seba komelê êzidîyan erjêko pîl bi û ewro bi hezaran şerwan û şagirtî rayîrê Mam Zekîyî de têkoşîn kenê.

Arîf Şengalîyî vat: ''Roja şehadetê ey raşta Hemleya 15ê Tebaxe yena. Ma tim xeta ey û şehîdan ser o şorê, qesasê înan bigêrê. Ma do sey êzidîyan têkoşînî ra fek vera nêdê û hesabê kerdişanê xiraban bipersê. Seba pawitişê şarê xo ma tim do xo ver bidê.''

Merasîmî ra dima şehîdgehî ameyî zîyaretkerdene.