Vizêr Mayanê Haştîye Adalete Safali û Perîşane Akçelîk, Cîhan Akçelîk û avûkat Erdal Safali yê ke semedê îfadeyî Geverî ra şîyî Wanî, rayîrê agêrayîşî de qezayê trafîkî kerdbî. Qeza de Mayanê Haştîye Adalete Safali û Perîşane Akçelîk û lajê Akçelîke  Cîhan Akçelîkî dinyaya xo bedilnabî.

Adalete Safali vizêr şan bi merasîmêkî dewa Memkava de amebî definkerdene.

Cenazayê Perîşane Akçelîk û lajê ci Cîhan Akçelîkî zî serê sibayî morgê Nêweşxaneyê Dewlete yê Geverî ra ameyî girewtene. Cenazayî bi merasîmêkî ameyî definkerdene. Wekîlê Partîya Çep a Keske yê Colemêrgî Oznûr Bartin, Vezîr Parlak, Onûr Duşunmez, endamê Mayanê Haştîye, îdarekarê HDP û DBPyî û aktîvîstê TJA tewrê merasîmî bîyî.

Hemserekê HDPyî yê Colemêrgî Lokman Ozdemîrî merasîmê definkerdişî de vat: ''Wa sereyê şarê kurdî weş bo. Ma do têkoşînê dadîyan rê dewam bikerê.''