Mazlûm Ebdî: Eke proses ser bikewo bahaneyê hêrişî yê Tirkîya nêmaneno

Fermandarê Pêroyî yê QSDyî Mazlûm Ebdîyî vat, ''Eke prosesê haştîye ser bikewo, hînî qet bahaneyê Tirkîya nêmaneno ke hêrişê herêma ma bikero.''

Fermandarê Pêroyî yê QSDyî Mazlûm Ebdî bi rayîrê zoomî tewrê kombîyayîşê çapemenîye yê bi ke  hetê QSDyî ra Kulubê Çapemenîya Neteweyîye ya Washington de ame kerdene. Ebdîyî rewşa Sûrîye û Rojawanî û vengdayîşê Rayber Apoyî erjna.

Ebdîyî vat, ''Birêz Ocalanî veng da PKKyî, veng da gerîlayanê PKKyî. Vengdayîşê vera herêma ma nêbi. Mesajo ke şawti Başûrê Kurdîstanî û hetanê bînan ma rê zî şawit.''

Mazlûm Ebdîyî mesajê Rayber Apoyî sey averşîyayîşê posîtîfî û vengdayîşê haştîye hesibna û vat,''Eke vengdayîşê ci bêro caardene Tirkîya de demokrasî do dahîna zaf bêro averberdene.''

Fermandarê Pêroyî yê QSDyî Mazlûm Ebdî wina dewam kerd: ''Caardişê têkîlî û haştîya mabênê PKK û Tirkîya do tesîrê herêma ma zî bikero. Eke no proses ser bikewo, semedê ma do tesîro pozîstîf bibo û hînî qet bahaneyê Tirkîya nêmaneno ke hêrişê herêma ma bikero.''