Meclîsê Şarî yê Mexmûrî karê xo yê serrane ercnayî
Ewro Mexmûr de şa pê beşdarîya endam, dezgeh û sazgehan Meclîsê Şarî yê Demokratîkî pê kombîyayîşêkî karê xo yê serrane ercnayî.
Kampa Multecîyan a Şehîd Rûstem Cûdîyî (Mexmûr) de ewro saete 08.00 de salona konferansî de pê beşdarîya pêro dezgeh û endamanê Meclîsê Şarî yê Demokratîkî karê serrane kombîyayîş de ameyî ercnayene.
Hemserekê Meclîsî Pakîstane Bîlen û Haci Kaçan, Hemserekê Dîwanê Meclîsê Şarî Hazim Kar û Evîne Tayboga tewrê kombîyayîşî bîyî. Kombîyayîşî pê deqayêkê rêzgirewtişî dest pêkerd. Dima Evîne Tayboga qisey kerd. Dima raporo serrane ame wendene.
