Teyarayanê dewleta tirke ya îşxalkere saete 00:00 de  Kampa Multecîyan a Şehîd Rûstem Cûdîyî de, Koyê Qereçoxî, Herêma Miştenûrî, Şingal û Herêma Pawitişê Medya ser o bombayî varnayî.

Hemserekê Meclîsê Şarî yê Demokratîkî yê Kampa Multecîyan ê Şehîd Rûstem Cûdîyî Hecî Kaçanî derheqê hêrişanê hewayî yê Mexmûrî de eşkerayîyêke daye. Kaçanî vat: ''Şarê Mexmûrî rê hêrişê hewayî yê tirkî ecêb nênê. Ma koçberîya xo de zaf bedelî dayî. Ma heta nika vera pêro hêrişan xo ver da û ma gamêke apey nêeşte. Ê qet nêeşkenê îradeyê ma teslîm bigêrê. Ma venga pêro kurdan û dostanê înan danê ke pê paştdayîşî ma do xo ver bidê û ma teslîm nêbê. Nê hêrişî sey her wextî îrade û bawerîya ma ya Rayber Apoyî û şehîdan xurtêr keno. Ma nê hêrişanê qirkeran ê dewleta tirke şermezar kenê.''

Kaçan peynîya qiseykerdişê xo de îfade kerd ke ê do qet nêverdê ke ablûqa, hêriş û ambargo ferz bikerê ke ê gamêke apey bierzê û xoverdayîşê Mexmûrî do ser bikewê.