Meclîsê Xoserîya Demokratîke yê Şingalî (MXDŞ) derheqê pêkerdişê Baxdad û Hewlêrî ke 9ê teşrîna verêne de ame kerdene, de eşkerayîye daye vat Şingal fermanê neweyî dir rî bi rî yo.

Eşkerayîye de bale ameye antene hêrişê qirkerdişê vera Şingalî yê çeteyanê DAÎŞî yê 2014î ke êzidîyî nê hêrişî sey fermanê 74. name kenê, ser û ame vatene ke bi pêkerdişê 9ê teşrîna verêne êzidîyî nika fermanê 75. dir rî bi rî yê.

Eşkerayîye de amancê nê pêkerdişî sey şeş madayan wina ameyî rêzkerdene: Çînkerdişê îradeyî û  tasfîyekerdişê xopawitişê êzidîyan, êzidîyê ke vera DAÎŞî şer kerd tepişê înan, destsernayîşê çekenê ke semedê xopawitişê Şingalî yenê şuxulnayene, astengkerdişê dekewtiş û vejîyayîşî Şingalî, cayanê bimbarekan ê êzidîyan de cakerdişê hêzanê çekdaran ê xerîban û Şingal de cakerdişê erebanê ke paştî daye çeteyan.

MXDŞyî ard ziwan ke eke nê waştişê înan bêrê ca, no yeno manaya fermanê 75.  û veng da şarê kurdî û rayapêroyîya dinya ke wa vera nayî lezabeze têbigêrê.