Bîn şewe saetanê şewe de dewa Nenyasî ya qezaya Licê ya Amedî hetê leşkeranê tirkan ra gerîyaye binê ablûqa û pê helîkopteran û çekan dîyaye bombayan ver. Keyeyêko  tede sîvîlî bibî ame hedefgirewtene. Leşkerî 4 saetî dima dewe ra vejîyayî. Hêrişê îşxalî yê leşkeranê tirkan de babîyê çar tutan Mehmet Yildirim ame qetilkerdene.

Cenazaya Yildirimî hetê leşkeran ameye berdene ci Dezgehê Tibê Edlîyî (ATK) yê Amedî. Xelyêk wext xebere nêdîyaye keyeyî.  Keyeyî xebera şehadetê Yildirmî barekerdişê medyaya sanale yê Wezîrê Karanê Zereyî yê Tirkî Alî Yerlîkaya ra eşnawit.

Keye semedê girewtişê cenazaya xo ame verê ATKyî. MEBYA-DER, merdimê tepişteyan, îdarekaranê DEM û DBPyî yê bajarî zî paştî daye keyeyî. Keyeyî nimûneya gonî daye û paweno ke cenazaya xo bîgêro. Dîya zanayene ke cenaza do saetanê şanî de bêro dayene.