Ma mektubanê Endamê Tabûrê Bêmergan Rojhat Zîlano (Ozkan Şahîn) ke vera Wezîrîya Karanê Zereyî çalakîya fedayîye kerdbî weşananê:

''Nameyê mi Ozkan Şahîn o. Ez 1994 de Erdîşê Wanî de dadîya xo ra bîya. Keyeyê mi welatperwer o û birayê mi zî 2011 de şehîd bi. Mi dibistane de dewe de wende, dima dibistana mîyanêne YÎBO de wende. Mi o çax raştîya dişmenî fam kerde. Keyeyê mi waştêne ke ez biwana û biba wayîrê karêkî. 

2006 de çalakîya fedayî ya embaz Dengtavî Wan de zaf veng vet. Mi o çax mefhûmê fedayîtîye dî. 2007-2008 de mi embazan rê vat ke ez do tewrê înan biba. 2008 de embazî wexto ke ameyêne ke ma berê şehîd bîyî. Nê embazî pê çekanê kîmyewîyan ameybî qetilkerdene û cenazayê înan ameybî texrîbkerdene. Nê şehadetî mi rê bîyê sozê qesasî. 

2008-2013 de ez metropolan de bîya. Ez pê cuya şaristanan nêeşkaye. Şaristanan de manewîyat ney madîyat vernî de bi. 2013-2014 de mi Garê de perwerdeyê şerwanîya newîye dî. Rayberîye, partîye, cuya partîye û azadîye bala mi antêne. Di serran mi perwerde dî. O çax prosesê xoverdayîşê xoîdarekerdişî est bi. Hînî ganî mi tewrbîyayîşî ra zêdeyêr çîyêk bikerdêne. Coka ez tewrê Hêzanê Taybetan bîya. 

Embazê ercîyayeyî! 

Eke çew seba armancanê pîlan û ercîyayeyan şer bikero ciwîyeno. No zî yeno manaya şerwanîya xeta Rayberîye. Ganî mabênê armanc û çalakîye de yew eleqe bibo. Serkewtiş û serfîrazîye yew mefte yo ke merdim tim wazeno xo biresno ci. 

Ewro asta şerê ma yê azadîye îfadeya cuya azade ya. No şer hînî ver bi raştîya şarêkî şino. Embaz Mazlûm Doganî bi xo mojna ke xoverdayîş ciwîyayîş o. Mîyanê fedayîtîye de cînsîyetî çin ê. Teyan raştîya fîraze est a. Eşq û heskerdiş merdiman kenê fedayîyan. Ez zî wazena xo bi adirê eşqî îfade bikera. Ez ney sey erkêkê xo kena. Ez do xo rayîrê mana de feda bikera û bi nê hawayî perwerîya xo îfade bikera. Ez pê bawer a ke ser bikewa.

Tîja ma Rayber Apoyî rê;

Serekê ma!

Cenabê to bîyo felata yew şarî ke no şer bi se serran mîyanê çemberê xoverdayîşî de mendbi. Cenabê to raştîya nê şarê koleyî vurnaya kerda şarêkê şerwanî. Îdeolojîya cenabê to ewro sey darêka meyweyan resena her cayî. Cenabê to bîyo hêvîya şarêkê bindestî. Cenabê to ma afernayî, dejê ma girewt xo milî. Eserê cenabê to PKK û têkoşînê azadîye ewro eşkenê şerê merdimatîye yê dinya ser bivisnê. Rayraşîyayîşê ma yê azadîye do bi serkewtişî tacîdar bibo. Ma wazenê bîyarê ziwanî ke no proses keno ke ma sey erkî na çalakîya fedayîye bikerê û bimojnê ke ma ferzkerdişan qebul nêkenê. Bi nê hawayî ez wazena ke rexneyê embazîya xo ya kême bi na çalakîya tarîxîye bida.

BIJÎ BIJÎ RÊBER APO

BÊ SEROK JIYAN NABE

BI CAN BI XWÎN EM BI TE RE NE EY SEROK

Pêro embazan ê cinîyan ê Zîlanwarîyan rê; 

Embazê ercîyayeyî; bi serkêşîya şima Kurdîstan reyna agêrîya erdê dadîye. Şima bîyî kokê esasî û hêzê esasî. Ez sey yew embazê şima yê camêrdî pê hesîyaya ke tewirê şima ra dûrî kewta. Mi her ke şima şinasnayî rindîya cuya raştîye keşf kerde. Mi çarçewa paradîgmaya cuya azade de tim têkoşîn kerd ke serdestîya eqlê camêrdan ra xo bixelisna. Ez şima pêroyînan bi rêz û heskerdişî selam kena, şima rê serkewtiş wazena. Çalakîya ma ya fedayîye do biba rexneyê embazîya raştikêne.

Pêro şarê Kurdîstanî rê;

Seke şima zî zanenê ke PKK û raştîya Rayberîye sey Serewedaritişê 29. yê Kurdan vejîya werte û dewam keno. Ewro ma netîceya bedelanê pîlan, têkoşînê nê 45 serran û coşî de verê serkewtişî de yê. No şer do bibo zemînê cuya newîye. Îmkan û firsendê nikayênî vanê ke ma ganî mîyanê şorişî de şorişî bikerê. Êyê ke na raştîye ra remenê xayîn ê. Ewro roje a roj a ke ma dejanê xo bikerê qîrayîşê serkewtişî. Ma do bi qiseyê 'ma nêmirenê û war nêverdenê' dadîyan xoverdayîşê xo bikerê garantîya serfîrazîye.

Keyeyê min ê ercîyayeyî rê;

 Ez seba ke biba layîqê keda şima tîya de ya. Şima tim vera hêrişanê dişmenî payan ser de bîyê, erjê kurdayetîye pawitî. Şima eşkenê pêro embazan de mi bivînê. Çunke ê do bibê îfadeyê mi. Xo vîr a mekerê ke ewro bi hezaran kêna û lajê şima koyan de govende gênê. 

Ez pê bawer a ke şima verê şehadetê mi de bi hêz vinderê. Mi na çalakîye bi îrade, pêşnîyaz û waştişê xo girewte xo ser. Mi seba na çalakîye partîye rê israr kerd. Meverdê ke dişmen nê raştîyan zûr bikero. Tim partîye de têkilîye virazê û wayîrê çalakîya mi vejîyê.

Ez şima bi heskerdiş û rêzî selam kena. Ez şexsê Rayberîye û şehîdan de soz danê ke biba layîqa şima û embazanê xo.

Bijî Serok Apo

Biciwîyo têkoşînê ma PKK

Qehr bibe kanwazîye

Dewleta tirke rê faşîste rê lanet bo

Selam û heskerdişê bi şorişî

ROJHAT ZÎLAN”