Rejîmê Îranî bêmabên kiştiş û birîndarkerdişê kolberan dewam keno. Goreyê doneyanê Rojnewsî, Kolbernews û çimeyanê herêmîyan têna menga gulane de serê sînorê Rojhelatê Kurdîstanî de 16 kolberî ameyî kiştene û 20 kolberî zî birîndar bîyî.

Goreyê doneyan 11 kolberî rasterast pê guleyanê rejîmê Îranî ameyî kiştene. Kolberêk awe de xeniqîya, kolberêk koyî ra gina erdî ro û merdî. Kasibkarêk û kolberêk zî wexto ke asayîşê Îranî wesayîtê înan da guleyan ver wesayît qeldîya û tede merdî. Hêrişo bîn ê vera wesayîtî de zî reyna kasibkarêk merd.