Merkez û taxa Dengiza ya qezaya Stewrî yê Mêdînî de leşkeran eşt xeylêk keyeyan ser.

Sereştişan de Hemşaredaro verên ê Stewrî Mehmet Aydin Alokmen, îdarekaranê Rêxistina HDPyî ya Bajarî yê verênan ra Bedîî Yilmaz û Îdarekara HDPyî ya Bajarî Ayşe Bozan ameyî destbendkerdene.

3 kesê ke ameyî berdene Mudirîya Asayîşî ya Mêrdînî sebebê destbendkerdişê înan nîno zanayene. Yeno pawitene ke hûmara destbendkerdeyen zêdêr bo.

Alokmen gama ke hemşaredar bi 1ê adera 2016î de herinda ci de qeyûm amebi cakerdene û amebi tepiştene. Bado ke serrêke zîndan de mend ame tehlîyekerden. Dima ra bi îfadeyê ''şahîdê mîyanî'' cezaya 10 serran, 3 mengan û 22 rojan dîyeyebî ci.