Mêrdîn de 4 sîyasetmedarî ameyî tepiştene

Endamê Merkezê HDP'yî  Alaattîn Semîr Zûgûrlî û Sedat Ay û hemserekê DBP'yî yê Mêrdînî Şehmûs  Sûn  û Leyla Bozkûrte ameyî tepiştene. Hemşaredarê Nisêbîn û Bîsmîlî serbest ameyî veradayene.

Îdarekarê HDP û DBP'yî  yê ke 24'ê Temmuze de Mêrdîn de ameyîbî destbendkerdene înan ra 4 sîyasetmedarî ameyî tepiştene.

Hemşaredarê Partîya Şaran a Demokratîke (HDP) yê Nisêbînî Ferhat Kût, hemşaredara Bismilî Gulşen Ozere, endamê Merkezê HDP'yî  Alaattîn Semîr Zûgûrlî û Sedat Ay, hemserekê Partîya Herêmanê Demokratîkan (DBP) ya Mêrdînî Leyla Bozkurte û Şehmûs Sûn û endamê Meclîsê Şaredarîya Nisêbînî Mehmet Emîn Alkan ê ke 24'ê Temmuze de ameyîbî destbenkerdene, vizêr sewqê edlîye ameyî kerdene. Emîn Alkan bi şertê ''kontrolê edlîyî'' serbest ame veradayanê. 6 sîyasetmedarê bînî bi sucdarîya ''endamîya rêxistine'' sewqê mehkemaye ameyî kerdene.  Endamê Merkezê HDP'yî  Alaattîn Semîr Zûgûrlî û Sedat Ay û hemserekê Partîya Herêmanê Demokratîkan (DBP) ya Mêrdînî Leyla Bozkurte û Şehmûs Sûn ameyî tepiştene. Kesê bînî bi şertê ''kontrolê edlîyî'' serbest ameyî veradayene.