Deweka Pîraboke ya qezaya Qoserî ya Mêrdînî de mabênê keyeyanê Abdîoglu û Karabogayî de serê sibayî nîqaş vejîya. Dima endamê Meclîsê AKPyî yê Qoserî Mehmet Abdîogluyî gerreyê keyeyê Karabogayî qereqolê cendirmeyan rê kerd. Wexto ke birayî Abdulkerîm Karaboga (20) û Şahîn Karaboga (22) şîyêne seba îfadedayîşî şîyêne qereqol, Mehmet Abdîoglu rayîr de pê çeka xo vejîya verê înan û di birayan ser o guleyî varnayî. 

Netîceya hêrişî de di birayî wedarîyayî Nêweşxaneyê Dewlete yê Qoserî. Birayan ra Abdulkerîm Karabogayî dinyaya xo bedilnaye û rewşa weşîye ya Şahîn Karabogayî zî giran a. 

Derheqê serebûtî de tehqîqat dîya destpêkerdene û seba ke Abdîoglu bêro tepiştene xebate yena kerdene.