Hêzanê rejîmê Îranî nêzdîyê şaristanê Merîwanî yê Rojhelatê Kurdîstanî de hêrişê kolberan kerd. Goreyê xebera Kolbernewsî hêzanê Îranî dewa Tete yê şaristanê Merîwanî de kolberî dayî guleyan verî.

Netîceya hêrişî de kolberêkî dinyaya xo bedilnaye û kolberêk zî wextê hêrişî de zinarî ra gina erdî û merd.

Ame vatene ke hêzanê rejîmî 500 kolberî dest bend kerdî û dest na malanê înan. Dima zî sînorê Çaldiranî de hêzanê rejîmê Îranî hêrişê kolberan kerd. Nê hêrişî de zî kolberê bi nameyê Ramîn Blixkanlû birîndar bi.