Hemsereka Komeleyanê Huqûq û Paştdayîşî yê Keyeyanê Tepişteyan û Hukmwerdetan ê Medî (MED TUHAD FED) Emîne Kaya da zanayene ke zîndananê tirkan de teda asta îşkenceyî de ya û tecrîdê vera Rayberê Şarê Kurdî Abdullah Ocalanî tesîrê zîndananê bînan keno. 

Kaya vat: ''Tecrîdê vera Abdullah Ocalanî û polîtîkayê ewroyînî vera pêro tepişteyanê sîyasîyan yenê caardene. Ma wazenê şert û mercê zîndanan bêrê holkerdene û teda wa biqeda.  Teda pê îşkence û surgunan dewam kena. Muracatê keyeyan îşkence û şîdetî ser ê. Gardîyanê vera erzenê koxûşan ser û merşo mîlî yê tirkan tepişteyan rê yeno ferzkerdene. Eke tepişteyî no qebul nêkerd  maruzê îşkenceyî mendî. Tay tepişteyî zî birîndar bîyî.''

Kaya pare kerd ke Zîndanê Sêwrege de leşkeran eşt koxûşan ser û vat: ''Leşkeran tepişteyî derb kerdî. Hînî gardîyanî zî leşkeran reyde koxûşan ra gêrenê. Ney ra dima 14 tepişteyî pê Korona kewtî. Zîndanê Beşîrî de zî ame waştene ke tepişteyî rêz bibê. La tepişteyan no qebul nêkerd û îşkence dî.''