Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke de agahîyî dayî. Eşkerayîye wina ya:

''Çarçewa Hemleya Şroişgêre ya Cengê Xabûrî de herêma Metîna de;

9ê temmuze de saete 19.00 de Girê Azadî de vera îşxalkeran pê taktîkê suîkastî çalakîyêke ameye kerdene. Çalakîye de yew îşxalker ame cezakerdene. Gir de 2 kamerayê mobese zî ameyî îmhakerdene.

Heman roje saete 19.30 de Bogazê Mîlîtanî de komêka îşxalkeran hetê hêzanê ma ra ameye hedefkerdene. Çalakîye de hûmara kişte birîndaran nêameye tesbîtkerdene.Çalakîye ra dima helîkopterê îşxalkeran gêrîyayî binê adirî û neçare mendî ke warî ra şorê.

3ê temmuze de artêşa TCyî ya îşxalkere qezaya Geverî ya Colemêrgî de warê Esendere de operasyonê îşxalî da destpêkerdene. 5ê temmuze de saete 23.30 de dormeyê dewa Tilora pê teyarayanê şerî dîya bombayan ver. 7ê temmuze de operasyonê îşxalî qismêk xo apey ant. Operasyon dormeyê dewanê Kuç, Tilora Jêr û Tilora Jore de pê hêzanê nimiteyan dewam keno.

Hêrişê dewleta tirke ya îşxalkere yê vera Herêmanê Pawitişî yê Medya dewam kenê. Detayê nê hêrişan wina yê:

8ê temmuze de warê Girê Rostî yê Goşînî yê Xakûrkê dîya bombayan ver. 9ê temmuze de waranê Mervanos, Tabura Ereban, Girê Silêman, Girê Şehîd Întîkam û Girê Sorî de têgêrayîşê helîkopteran qewimîyayî. Heman roje warê Werxelê yê Avaşînî de tunelê şerî dîyayî bombayan ver û 8-10ê temmuze de zî warê Werxelê pê obusan dîya bombayan ver. 9ê temmuze de Girê Sor û Werxelê de artêşa tirke ya îşxalkere pê teqaberan hêrişê tunelanê şerî kerd. 10ê temmuze de warê Saca yê Zapî dîya bombayan ver.

Nê hêrişan de zerarêk nêresa hêzanê ma ser.''