Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî wina ya:

Metîna

''Çarçewa Hemleya Şorişgêre ya Cengê Xabûrî de 1ê tebaxe de Qirrika Girê Azadî ya warê Zendûra yê Metîna de vera îşxalkeran bi taktîkê sûîqastî çalkîyêke ameye kerdene. Çalakîye de îşxalkerêk ame cezakerdene. Reyna xeta Qaşûra ya Metîna de têgêrayîşê helîkopteran qewimîya û warê Girê Şehîd Çîya de îşxalkerî pê helîkopteran ameyî bedilnayene. Eynî roje dewê Derarê û Hirorê yê Amedîye pê hêlîkopteranê hêrişî ameyî bombardumankerdene.

Avaşîn

Artêşa tirke ya îşxalkere ke vera xoverdayîşê gerîlayan nêeşkena aver şiro sûcanê şerî rê dewam kena. Îşxalkeran 1 û 2 ê  tebaxe de vera mewzîyanê şerî yê warê Werxelê yê Avaşînî gazê axuyînî şuxulnayî. Hetê bînî ra herême ser o têgêrayîşê dronayan bi rojan o dewam keno. 31 temmuze de ra nata warê Werxelê hetê qereqolê sînorî ra pê abusan yeno pirodayene 1ê tebaxe de waranê Mervanos, Banîsta û Tabûrê Ereban de îşxalkerî pê helîkopteran ameyî bedilnayene. Eynî roje warê Girê Sorî de tunelê şerî pê madeyanê teqayîşî ameyî bombardumankerdene. saetanê şanî de zî hetê qereqolanê sînorî ra pê obus û çekanê giranan nê tunelî û dormeyê înan ameyî bombardumankerdene.

Zap

2ê tebaxe de warê Çemçoyî yê herêma Zapî hetê qereqolanê sînorî ra pê obusan ame bombarardumankerdene.

Nê hêrişan de vînîbîyayeyê ma çînê.''