Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Metîna

26ê temmuze de Warê Xoverdayîşî yê Girê Hakarî de îşxalakerî hetê hêzanê mara bi çekanê ferdîyan û taktîkê sûîkastî ameyî pirodayene. Netîceya çalakîyanê bitesîran de tewr tay 12 îşxlakerî ameyî cezakerdene. Hêzê ma şîyê  cenazayanê leşkeranê îşxalkeran ser.

Hemrayê ma Serhed Zîlanê ke sey serkêşî nê çalakîyan de ca girewt û derbeyê pîlî dayî dişmenî ro, pêkewtişanê giran de birîndar . Rixmê heme mudaxaleyan mîlîtano qehreman ê Rayber Apoyî û fermadarê ma yo fedayî hemrayê ma Serhed Zîlan tewrê qehremananê ma yê bêmergan bi.

Nasnameyê hemrayê ma Serhedî yo ke şehîd bi wina yo:

Nameyê Qodî: Serhed Zîlan Name û Peyname: Şehriyar Kudekîstanî Cayê Bîyayîşî: Maku Maye-Pî: Gulîstane – Muhammed Tarîx û Cayê Şehadetî: 26ê Temmuza 2022yî/ Metîna

Hemrayê ma Serhed bajarê Makuyî yê Rojhelatê Kurdîstanî de yeno dinya û bi kulturê welatperwerîye beno pîl. Hemrayê ma Serhed 2016 de tewrê sefanê gerîlayan beno û badê perwerdeyê şerwananê neweyan gerîlatîya xo ya verêne Heftanîn de keno. Demo kilm de xo aver beno û hetê embazanê xo ra zaf yeno heskerdene. Bado ke hetê îdeolojî û leşkerî ra xo perwerde keno û xeylêk tecrubeyan keno pêser ravêreno Metîna û sey fermandarêkê ciwanî embazanê xo rê serkêşîye keno. Hemrayê Sehed Metîna de xeylêk çalakîyanê serkewteyan de sey serkêşî ca geno û derbeyanê pîlan dano dişmenî ro.

Sere de keyeyo erjîyaye yê hemrayê Serhedî sereyê pêro şarê welatperwerî yê Kurdîstanî weş bo.  Ma reyna soz danê ke ma do waştişê şehîdan bîyarê ca.

Zap

31ê temmuze de Warê Xoverdayîşî yê Girê FM û Girê Cûdîyî de çalakîyê sûîkastî ameyî kerdene, her çalakîye de îşxalkerêk ame cezakerdene. 1ê tembaxe de zî Warê Xoverdayîşî  yê Girê Amedîyê de îşalkerêk ame cezkakerdene.

Bombarduman

Artêşa tirke ya îşxakere 31ê temmuze de Warê Xoverdayîşî yê Girê Cûdî,Girê Amediyê,Çemço, Sîda,  Kurojahro, Girê Hakarî pê çekanê kîmyewîyan, teyara, helîkopter û obusan dayî bombayan ver.''