Mexmûr de ambargo bi yew serre. Şarê Kampa Multecîyan a Şehîd Rûstem Cûdîyî (Mexmûr) ambargo û ablûqaya PDKyî pê rayraşîyayîşêke şermezar kerd.Rayraşîyayîş de alaya KCK û Rayberê Şarê Kurdî Abdullah Ocalanî ameyî berzkerdene û sloganê sey ''Bimiro îxanet'' û ''Biciwîyo Serek Apo'' ameyî vatene.

Eşkerayîye ra verî seba Şehîdanê Têgêrayîşê Azadîye yê Kurdîstanî deqayêkê rêz ame girewtene. Dima zî Meclîsê Şarî yê Demokratîkî yê Mexmûrî ser o endamê Komîteya Karanê Teberî Bêwar Unverî eşkerayîye daye.

Unverî verî selam da Şorişê Rojawanî û pare kerd ke 26 serran ra nata ê kampa Mexmûrî de binê şert û mercanê zoran de ciwîyenê û vat: ''Dewlete têna armanc kena kurdan bikişa. Nê esasî ser o ma vanê ke biciwîyo xeta Rayber Apoyî, biciwîyo xoverdayîşê Mexmûrî.''

Rayraşîyayîş pê sloganan qedîya.