Kampa Multecîyan a Şehîd Rûstem Cûdîyî (Mexmûr) de rayberîya Têgêrayîşê Cinîyan ê Ciwanan ê Mexmûrî (TJCM) de şayîya Newroze dest pêkerde. Mexmûr de her şewe taxêka kampe de şayîyêke do bêra kerdene. Şayîya verêne taxa Şehîd Rûbarî de ameye kerdene.

Şayîye de fotografê Rayberê Şarê Kurdî Abdullah Ocalanî û alayê PKKyî ameyî daliqnayene. Deqayêkê rêzgirewtişî ra dima TJCMyî ser o Mizgîne Kara qisey kerd û Newroza Abdullah Ocalanî, gerîlayan û pêro kurdan fîraz kerde.

Qiseykerdişî ra dima adirê Newroze 3 baskan ra ame tavistene û sloganê 'Biciwîyo Serek Apo', 'Newroze fîraz bo' ameyî vatene. Roniştoxan kampe de govend girewt.

Roniştoxanê kampa ANFyî rê qisey kerd, kêfweşîya xo arde ziwan û venga pêro kurdan da ke bi coşî tewrê şayîyanê Newroze bibê.