Endamê Meclîsê Partîye yê HEDEPî Murad Mihçiyî derheqê Kongreya HEDEPî ya 1. de ANFyî rê qisey kerd. 

Mihçîyî îfade kerd ke prosesê amadekarîya kongre de rolê şarî dîyarker bîyo û vat: ''Kongra ra verî di rojan cinîyî, di rojan zî konferansê pêkerdişî ameyî kerdene. Ez zî Anqara de tewrê konferansî bîya. Delegeyanê verênan ra ber xeylêk kesan konferans de qisey kerd, ercnayîşî kerdî û xerîtaya prosesê verê ma ser o şiroveyî kerdî. Konferansan de meseleyan ser o qiseykerdişî bîyî û rêxistinbîyayîş ame rexnekerdene. Xora konferansî ra ver zî kombîyayîşanê şarî de rexneyî ameybî goşdarîkerdene. Bi nê hawayî eşkera bi ke kongre senî do biqewimîya. Kongreya ma zaf hol vîyarte û xerîteya prosesê verê ma bi kongre ameye tacîdarkerdene.''

Mihçîyî pare kerd ke rixmê pêro astengîyan zî kongre bi tewrbîyayîşê pîlî, bi moral û coşî ameya kerdene û vat: ''Enerjîya ke roja HDPyî awan bibî kewta destê ma. No zaf ercîyaye yo, merdim pê kelecanî beno û nîşaneya zêdîyayîşê berpirsîyarîya ma ya. Nê prosesî de ke weçînayîşê herêmîyî nêzdî benê ez pê bawer a ke ma do ser bikewê.''

Mihçîyî da zanayene ke ê armanc kenê ke bibê partîya bingeyîne ya Kurdîstanî û pêro şaran temsîl bikerê. Mihçîyî vat: ''Ma armenî yê. Asan nîyo ke partîya elewî, armenî, kurd, cinî, kedkar, bindest û ciwanan yew partîye de bêrê yewca. La partîya ma de ganî nê pêroyî bêrê temsîlkerdene. Proseso newe na berpirsîyarîye dano ma. Ganî ma veng û renganê pêroyîyan bi xurtî bimojnê. Bi kongre de bawerîya mi seba vurîyayîş û vurnayîşî zêdîyaye. Ma bi kelecan û hêvîdar ê.''