Nê wextî de ke PDK vera Kampa Mexmûrî ambargoyêkê giranî ano ca yadkerdiş û qalkerdişê Denîze Firat zaf girîng a.

Denîze Wanî ra ya. Hema ke qijkek bîye keyeyê xo reyde rîyê zorbazîya dewleye koçê Başûrê Kurdîstanî kerd. Ciwanîya xo de di wakanê xo reyde tewrê têgêrayîşî bîye. A wendiş û niştiş koyan de musaye. Qelema aye xurt bîye. Denîze partîye de bîye pîl û xeylêk cayanê sey Botan, Behdînan, Îran, Başûr, Qendîl, Xinêr (Çapemenîya PAJKî), Gar û Mexmûr de wezîfe kerd. 

Birayê ci Delîl Kampa Zelê de şehîd bi, wakê aye Binevşe û Sarya zî mîyane têgêrayîşî de şehîd bîyî. Waya tewr qije ya Denîze Binevşe Saryaya ke nameyê wird wakanê xo girewtî hema zî têgêrayîş de têkoşîn kena.

Ez payîzê 2013î de Denîze reyde bîye şinas. Aye warê Mexmûrî de mesuldara çapemenîye bîye. Gonîya ci germ bîye û hetkarîya hes kesî kerdêne. Ez zî kar aye ra musaya. Karê xo ser o zaf vindertêne, wezîfeyê xo bi dîqatî ardêne ca. TV de tim bîye vengê şarê xo, moral da gerîlayan. Destê xo de kameraya ci sey fermandarîya xo ya koyan vengê bi mîlyonan dayî eşnawitene. Ma sayê ci de pê detayanê şerê Mexmûrî hesîyaye. 

Hem kampe de rojname vetêne hem zî ajansan û rojnameyanê bînan rê maqaleyî erşawitêne. A mamostayêka hole û şerwanêka raştîye bîye. 

Seba vîrameyîşê aye her serre Kampa Mexmûrî de Musabeqaya Hîkaye û Şîîran a Denîze Firat yena kerdene. Nameyê ci dîya dibistanêka mîyanêne.

Ma do aye xo vîrî ra nêkerê.