Gerîlayanê YJA-Starî bale ante rolê cinîyan ê kurdan ê Têkoşînê Azadîye yê Kurdîstanî. Gerîlaya YJA-Starî Avaşîne Varto ANFyî reyde qisey kerd û vatişê ''Xonaskerdiş şero tewr pîlêr o '' yê Rayberê Şarê Kurdî Abdullah Ocalanî vist vîrî.

Avaşîne Varto vat: ''Ça de cinîyî bindest bîyî gerîlayê YJA-Starî uja de bîyî. No mîrasêk o ke şehîdanê ma seba ma verda. Ewro her kes şehîde Zîlane (Zeynepe Kinaci) nas keno. Şehîde Zîlane vera komploya mîyanneteweyîye pê mesuldarîye têgêraye. Şehîde Bêrîtane serra teslîmîyet red kerd. Şerêko nikayên pê  tecrubeyêkê serran ame afernayene. No tecrube ma rê qîm keno ke ma pê ser bikewê.''

Gerîlayanê YJA-Starî ra Dîcle Ronahî zî vat: ''Xozaya cinîye de şer çin o. Labelê vera îşkence, şerê taybetî û zulmê dewleta tirke ma neçare yê ke şer bikerê û ma do nê şerî dewam bikerê. Cinîyê kurdî qet vera hêrişan bêveng nêmendî û înan tim şer kerd. Bêguman Rayberîye no rol vet ma vernî. Averşîyayîşê metod û taktîkan pêro sayê Rayberîya ma yo.''