Têkoşînê azadîye bi fedakarîye, qerardarîye heriknayîşê tarîxî bedilnenê. Ruhê têkoşînê ke serkêşîya ci Zîlane kena, Têgêrayîşê Azadîye yê Kurdan de bi sembolêk. Şehîde Bermale bi çalakîya fedayîye ya ke 29ê teşrîna verên a 1996î de Sêwas de kerde, dormeyê Rayber Apoyî de barîkatêk na ro. Şehîde Bermela ke bi cesaret, girêdayîye hêvîya Kurdîstanî gir kerd, Zapî ra adirê azadîye kirişt Rojawanî û mîrasê têkoşînî verda.

Şehide Bermale (Gulere Ortaç) 1967 de dewa Yolagzi ya Êlihî de yena dinya û keyeyêkê welatperwerî de bena pîl. Hema qijtîya xo de welatperwerîye nas kena, no zanayîş karetkerê ci bewlî keno. Sey cinîyêka kurde ya jîhate, fedakare bena pîle. 1985 de Numan Bagci nas kena û wazena aktîf tewrê partî biba. Keyeyê ci wazeno aye bizewijno la a nê red kena û semedê cuyêka azade têkoşîn kena.

1988 de tewrê partiye bena. 1989 de Amed de yena tepiştene, wextêk zîndan de manena. Zîndan semedê aye beno mektebê zanistî. Têkoşînê Mazlûm, Kemal û Xeyrîyan dahîna hol fam kena. Bado ke serbest yena veradayene binê tehdîtanê kongragerîlayan de xebityena. Rîyê şertanê ekonomîkî ra Fabrîkaya Tekelî de dest pê karî kena. Tîya zî nêvindena; cinîyan ê karkeran rêxistine kena, semedê gerîlayan û zîndanî paştdayîş arê dana. Nê demî de birayê ci Faîk Ortaç û warzayê ci Çetîn Abayay hetê kontragerîlayan ra yenê qetilkerdene. Newroza 1990 de kerraya verêne erzena polîsan, adirê serhildanî fînena ta. Sey “Kênaya Serhildanî” yena vîrardene. Her taxe de bena Şukran Abla. Hetê şarî ra yena heskerdene. 1992 de gama ke dewa Sabe de hîrê gerîlayî yenê qetilkerdene şarî rêxistine kenda. Pêsîrê fermandarê dişmenî ra tepişna vana “Ya ti ma zî veşnenê ya zî şehîdanê ma teslîm kenê”. Dişmen tersî ra peyser game erzeno. 

Mabênê serranê 1990-1993 panc reyî yena tepiştene, raştê îşkenceyê giranî yena la çirey têkoşînî canêverdena. Bi esteyanê şikteya û felçbîyaye zîndanî ra vejîyena. Nîsana 1993yî de Eyaletê Garzanî de tewrê sefanê gerîlayan bena. Tîya ra semedê tedawî û xebatê şarî şawiyena Adana. Tebaxa 1995î de şina Dêrsimî. Konferansê Neteweyî yê 4ine de qerarê çalakîyanê xokiştişî yeno girewtene. Dêrsim û her hetê Kurdîstanî de polîtîkayê wehşîyî yê dişmenî vera şarî dewam kerdêne. Şehîde Bermale wazena bi çalakîya fedayîye cewab bido nê hêrişanê barbaran û qirkerdişanê dişmenî.

29ê teşrîna verên a 1996î de roja ‘’Roşanê Komare’’ yê dewleta tirke de Sêwas de bedenê xo bi bombayan pêşena û  pîya bi embazê xo Yilmazî verê xo danê warê aktîvîteyan. Wazena ke ûca çalakîya fedayîye bikero la rayîr de dişmen tira şik keno û wirdan zî destbend keno. Seba ke yerima sîya kerda piray, bombayî nînê ferqkerdene. A bi sebirî pawena. Gama ke kenê wesayîtê polîsan hema ke wesayît nêkewto rayîrî qerarê xo dana û bombayan teqnena. Şehîde Bermale bi cesaretê xo mergî zî recifnena. Bi çalakîya xo ya fedayîye rayîrê şehadetî de bena bêmerg.