Netîceya polîtîkaya bêkarîye û vêşanîye ya rejîmê Îranî ya vera kurdanê Rojhelatê Kurdîstanî de şar neçare maneno ke kolberî û kasibkarîye bikero. La kolber û kasibkarî zî her roje sînor de hetê rejîmê Îranî ra kişîyenê.

Goreyê Torra Heqanê Merdiman herêmanê sînorî yê Newsûd û Banê yê Rojhelatê Kurdîstanî de mîyanê 3 rojan de tewr tay 6 kolberî hetê rejîmê Îranî ra ameyî birîndarkerdene.

Nameyê kolberan wina yê: Arman Mustefazade (30), Selam Eizemî, Ferzad Îmamî, Feryad Edak (30), Yehya Rustemzade û Mihemed Mewlûdî (21).