Partîya Azadîye ya Mezopotamya (MOP) pê eşkerayîyêke  Qirkerdişê Smele yê 1993î şermezar kerd.

Eşkerayîye de ame parekerdene ke hegemonyaya îngilîzan seba petrolê Iraqî destê ereb û kurdanê Iraqî kerd bihêzêr û netîce de şarê asûrî, sûryanî û keldanî hetê na hegemonya û hemkaranê ereb û kurdan ra ameyî qirkerdene. 

Eşkerayîye de wina ame vatene: ''No qirkerdiş bi sebeb ke şarê asûrî/sûryanî/keldanî welatê Iraqî de hetê sîyasî, komelkî, kulturel, cografîkî ra ver bi sinifa tewr cêrîne bêrê defkerdene û mîyanê meseleya nteweyîye de bifatisê. Hegemonyaya îngilîzan, dewleta Iraqî û hemkaranê kurd û erebena têna neteweyêke îmha nêkerde medenîyetê asûrî, sûryanî û keldanîyan o 7000 hezar serre îmha kerd û na îmha dewam kena.''

Peynîya eşkerayîye de venga dewletanê dinya û dewleta Iraqî ame dayene ke Qirkerdişê Semele bişinasê û venga asûrî, sûryanî, keldanîyan dîya wayîrê ê roajnê tarîxîyan vejîyê, warê sîyasî yê dinya de qirkerdişî bivisnê rojdemî û bikerê ke mesuldarê qirkerdişî hesab bidê.