Fermandarîya Qerargehê Merkezê Pawitişê Şarî (MPŞ) derheqê menga şehîdan de eşkerayîyêke weşanaye. Eşkerayîye wina ya:

''Partîbîyayîşê patîya ma PKK û têkoşînê biheybetî de şehîdê ma yê bêmergî û çêrî wayîrê kedêka pîle yê û ê çimeyê bingeyî yê hêzî yê. Embaz Hakî Karer 18ê gulana 1977î de Dîlok de bi şehîdê ma yo verên û PKK seba vîrameyîşê nê şehadetî awan bi. No xoverdayîşê Hakî Karerî pê xoverdayîşê Hîlwan û Sêwerege, pê xoverdayîşê Zîndanê Amedî yê 1982î û pê hemleya gerîlayan, pê serewedaritişê şarî yê 1990î, pê şorişê ganîbîyayîşê neteweyî û şorişê azadî yê cinîyan aver şi û resa heta nê dewirî.

Menga gulane mengêka şehîdan a ke fermandarê ma yo verên embaz Mehmet Karaungur zî tede zaf rayberê têkoşînî na menge şehîd bîyî. Coka partîya ma na menge sen menga şehîdan pare kerd.

Her serre menga gulane de ma şehîdan yad kenê, sereyê xo verê înan de anê war, seba yadkerdişêşehîdan ma qerardarîya xo kenê xurt. Ma şexsê embaz Hakî Karerî de pêro şehîdanê şorişî pê rêz û mînet yad kenê û sozê xo dibare kenê ke ma do armancê înan bivisnê ser.

PKK netîceya têkoşînê şehîdan û Rayber Apoyî de ame afernayene. Her şehadet de partîya ma xo xurt kerd, qerardarîya xo kere pîl û seba hemleyan bi binge. Rayber Apoyî roja destpêke ra nata raştîya şehîdan vist sereyê ma, nê esasî ser o têkoşîn û xoverdayîş ard ca. Rayber Apoyî vera sîstemê înkarî û çinkerdişî resa bi mîlyonan merdiman. Bingeyê ney de zî raştîya bêhempa ya şehîdan esta.

Êyê ke rayîrê têkoşînê seba erjan nîşanê şarê Kurdîstanî da, seba ney zor û zehmetîye antî û xoverdayîşêko bêhempa kerd şehîdê ma yê. Şehîdê ma seba ma hêzê bingeyî yê cuye yê. Şarê kurdî na raştîye tesdîq kerd, şehîdê xo her tim pê rûmetî pêşwazî kerdî, berdî asta berze û eke hewce bi seba wayîrvejîyayîşê şehîdan canê xo feda kerd. Şehîdî çimeyê bingeyî yê xurtkerdişê rayîrê serkewtişê ma yê.

Ma qerardar ê ke vîrameyîşê şehîdanê xo, tewirê Îmraliyî yê Rayberê ma û xoverdayîşê ey, têkoşînê şarê xo bingeyê 'Hemleya Çinkerdişê Tecrîdî, Rijnayîşê Faşîzmî û Azadkerdişê Kurdîstanî'' pîl bikerê. Ma sey Gerîlayanê Azadîye yê Kurdîstanî çarçewa newe ra awankerdişî de biresê astêka profesyonele, qesasê pîlî yê şehîdan bigêrê, bibê teqîbkerdoxê xeta şehîdan, rayîrê serkewtişî de pê gamanê bawerdar bierzê, têkoşîn roje bi roje pîl bikerê û rayraşîyayîşê xo yê ''Rayberê Azadî-Kurdîstanê Azadî'' pê serkewtişî tacîdar bikerê. Nê esasî ser o ma reyna şehîdanê xo bi mînet û rêzî yad kenê û soz danê ke ma bêtawîzan do vîrameyîşê înan bidê ciwîyayene.''