Fermandarîya Qerargehê Merkezê Pawitişê Şarî (MPŞ) bi eşkerayîyêke Newroze pîroz kerd û nê pare kerdî:

''Têkoşînê azadîye yo ke Rayber Apoyî rojêka Newroze de da destpêkerdene sey PKKyî nêm seserre xo dima verda. Rayraşîyayîşê Rayber Apoyî, Rayraşîyayîşê Newroze yo, PKKyo ke nayo ro zî Partîya Newroze ya. Adiro ke Kawayê hemdemî Mazlûm Doganî Amed de tafîna koyan û deştanê Kurdîstanî de açarîya adirê xoverdayîşî ke şarê ma bi hewayêkê biheybetî vet sahneyê tarîxî. Şehîdê Newroze Mazlûm Dogan, Zekîye, Rahşane, Ronahî, Bêrîvane û Sema înanê  ke adirê Newroze bedenê xo de tafîna û bîyê afirnayoxê tradîsyonê Newroze, ma şexsê înan de heme şehîdanê xo bihurmet û mînetî yad kenê û roşanê Newroze pîroz kenê.

Rayraşîyayîşê ma yo tarîxî yo ke Rayber Apoyî 1973 de Çubukê Anqara de bi kombîyayîşê verênî da destpêkerdene, bi Newroza 2023yî 50 serrî xo dima verdayî. Têkoşîno tarîxî yo ke wextê destpêkerdişî de qet hêvîyêke çînbî, ewro bîyo hêvîya azadîye ya şaranê bindestan, cinîyan û ciwanan. Şarê ma yo ke raştê înkar, îmha, hêrişanê qirkerdişî û îşkenceyan ame bi Partîya PKKyî newe ra ganî bi û bi şarê Newroze ke vera zilmî xover dano. Têkoşînê Azadîye yê Kurdîstanî yo ke ciwananê qehremanan ê kurdan semedê ci ganê xo da, xeta serkewtişî de bêteredutî rayra şi û bi Partîya Newroze. Cinîyê ke keye de amebî hepskerdene xeyrê adirê Newroze ewro bi Jin Jiyan Azadî serhildanan de yê.

Gerîlayanê Azadîye yê Kurdîstanî yê ke bi fedakarîya girde serra 2022yî xo dima verda do wisarê 2023yî de zî  wayîrê mîrasê şehîdan bivejîyê. Hêzê ma yê ke Vakurê Kurdîstanî û Herêmanê Pawitişî yê Medya de vera îşxalkeran têkoşînê tarîxî danê, semedê pawitişê herra bimbareke ya Kurdîstanî do têkoşînî bidomnê û saltanê Dehaqanê zaliman biqedînê.

Fermdaranê bêmergan ê têkoşînê serranê peyênan Sara, Rûkene, Rojbîne, Yaşar, Şevger, Arjîne, Roza, Numan, Raperîne û Delîl Zagrosî bi rayraşîyayîşê xo yê serkewtişî adirê Newroze zafêr gir kerd û mojna heme dinya ke îradeyê Apoyîyan bin nêkewno. Ma roşanê Newroze yê  şarê xo û dostanê ci yê ke  bi ruhê serhildanî adirê Newroze gir kenê, pîroz kenê û heme hêzê ke bi ruhê serekwtişî têkoşînê azadîye rayra benê, înan rê serkwtiş wazenê.''