Fermandarîya Qerargehê Merkezê Pawitişê Şarî (MPŞ) bi wesîleya 18ê gulane eşkerayîyêke weşanaye. Eşkerayîye wina ya:

''Oyo ke bi wesîleya partîbîyayîşê ma PKKyî, roje bi roje partîbîyayîşê ma pîl keno, erjanê fîrazan aferneno, ma resnayo na aste û do ma ser bivisno; raştîya şehadetî û artêşa ma ya şehîdan ê bêmergan a. Rayber Apo pê perwerîya bi şehadetê şorişgêr û enternasyonalîstî embaz Hakî Karerî pê partîbîyayîşî bira pîlkerdişê têkoşînî daye û Partîya Şehîdan PKK nê esasî ser o vejîyaye serê sehneyê tarîxî.

Partîya ma PKK ya ke rayberîya Serek Apoyî de nêm seserre yo bi hawayêkê bêeman û bêmabênî têkoşîn kena, her serre û menge şehîdî dayî û seba şarê Kurdîstanî artêşa şehîdan, xeta xurte ya şehîdan û erjê fîrazî afernayî. PKK nê esasî ser o bi Partîya Şehîdan û binê fermandarîya şehîdan de têkoşîn de xo ver da, pê bira girewtişê qesasê şehîdan û servistişê armancanê înan, pê erk û wezîfeyanê xo werişt ra.

18ê gulane roja şehadetê embaz Hakî Karer heman wextî de bîye roja şehadetê embaz Halîl Çavgun û Çaranî. Her ke dewaya ma ya azadîye aver şîye, her ke têkoşînê ma pîl bi, her menge bi taybetî menga gulane de şehadetê pîlî bîyî, her roje menga gulane pê destananê çêrîye bîye wayîra manayêka tarîxî. Coka menga gulane ser Menga Şehîdan yena vîrardene. Sey teqîbkerdoxanê xeta şehîdan serrgêra 44. ya menga şehîdan de şexsê embaz Hakî Karer û şehîdanê Menga Gulane de pêro şehîdan bi rêzdarî û minetî yad kenê.

Artêşa Şehîdan a PKKyî têkoşînê azadîye yê bêmabênî de roje bi roje pîl bena. Menga şehîdan de Amedî ra heta Mêrdînî, Metîna ra heta Avaşînî her cayê Kurdîstanî de embazê ma bi çêrî xo ver danê, pê tewir û şerê xo şehîdan bi her hawayî temsîl kenê. Bi taybetî warê Mamreşoyî yê herêma Avaşînî de embazê ma pê fermandarîya embaz Serhat Giravîyî bi rojan vera artêşa îşxalkere xo ver da, derbê giranî dayî dişmenî ro û Zagrosan de destanê xoverdayîşî yo tarîxî nuşt. Sey teqîbkerdoxanê şehîdan serra 45. de ma do têkoşînê xo bi hawayêkê bêmabênî dewam bikerê.

Sey Hêzanê Pawitişê Şarî yê Kurdîstanî ke binê fermandarîya Artêşa Şehîdan de û rayberîya PKKyî de şer kenê, ma do qesasê şehîdanê xo bigêrê, her tim teqîbkerdoxê xeta şehîdan bibê, her roje zêdêr wayîrê vîrameyîşê înan vejîyê û pê serkewtişî tacîdar bikerê. Nê esasî ser o ma reyna şehîdanê xo bi rêzdarî yad kenê û sozê xo dibare kenê ke ma do qetî pawitişê cuya ercîyaye ra tawiz nêdê.''