MPŞyî serrgêra 16. ya Hemleya Hezîrane fîraz kerde

Fermandarîya Qerargehê Merkezê Pawitişê Şarî (MPŞ) serrgêra 16. ya Hemleya 1ê Hezîrana 2004î fîraz kerde û pare kerd ke gerîlayî do pê hîşmendîya hemlewarî dewirê neweyî pêşwazî bikerê.

Fermandarîya Qeragehê MPŞyî pê eşkerayîyêka nuştekîye Hemleya 1ê Hezîrane fîraz kerd. Eşkerayîya MPŞî wina ya:

''Ma serrgêra Hemleya 1ê Hezîrane ya Rayber Apo, şarê xo, merdimîya demokratîke û pêro embazan fîraz kenê. Ma pêro rayberanê şehîdan ê nê prosesî Erdal, Adil, Nûda, Reşît, Rojîn û heta Azd, Berçem, Bedran, Botan, Baran, Çetîn, Armanc, Kemal, Welat û ji wan jî heta Delal, Atakan, Dogan, Vedat, Bager, Cemşît, Têkoşer, Alî, Şevîn, Çîçek, Zîn û heta Zekî Şengalî, Helmet, Sînan, Cemîl û Demhat û şehîdanê nê prosesî bi rêzdarî yad kenê. Ma sozê xo dibare kenê ke ma do vîrameyîşê şehîdan pê rayraşîyayîşê serkewtişî yê Kurdîstanê azadî û Rayber Apoyî bidê ciwîyayene.

Hemleya 1ê Hezîrane vera polîtîkayanê tasfîye û îmha, komploya mîyanneteweyîye bîye cewabêko xurt. Eke ma ewro qala nêzdîbîyayîşê azadîya kurdan kenê ganî bêro zanayene ke no pê tewirê manadarî yê Rayber Apoyî yê vera îşkenceyê Îmraliyî û pê Hemleya 1ê Hezîrane, pê xoverdayîş û fedakarîya şarê ma, gerîlayanê ma ame destvistene. 

Têkoşînê Azadîye yê Kurdîstanî serrgêra 16. ya Hemleya 1ê Hezîrane de dewam kena. Vera şerê qirkerî yê kolonyalîstan û îqtîdarê AKP-MHPyî Şerê Şarî yo Şorişgêr dekeweno dewirêkê neweyî. Gerîlayî hacetanê îstîxbarat û teknîkî yê kolonyalîstan, pê teknîkê afernayoxî yê hêzanê merdiman pûç kenê. Pêro hêzê HPGyî do bibê gerîlayê modernîteya demokratîke. Gerîlayî gerîlatîya profesyonele do bimojnê pêro dinya. Gerîlayî do modernîteya demokratîke de rolêkê aktîfî bigêrê, esasê felsefeya Rayber Apoyî ser o wezîfeyanê xo do bîyarê ca.

Nê dewirê girîngî yê tarîxê ma yê têkoşînî de gerîlayê Kurdîstanî do pê ruhêkê fedakerî yê Apoyî, pê tecrubeyêkê xorinî xo xeta şehîdanê ma yê çêran de awan bikerê.

Ma reyna Hemleya 1ê Hezîrane fîraz kenê û hêzanê têkoşînî rê serkewtiş wazenê.''