Fermandarîya Qerargehê Merkezê Pawitişê Şarî (MPŞ) bi mesajêkî şerwan û fermandarê çalakîya ke 26ê temmuze de Avaşîn de ameya kerdene û 7 tede îşxalkerî ameyê kiştene, fîraz kerdî.

Mesajê MPŞyî wina yo:

''26ê temmuze de tîmanê qesasî yê Şehîd Serdem û Şehîde Sarya warê Mamreşoyî yê Avaşînî de bi metodê dafikronayîşî çalakîyêka serkewte ya bikoordîne kerde. Çalakîye de yewina dişmenî gêrîyaye binê kontrolî, bi metodê bazî di baskan ra piro dîya, embazê ma şîyê serê cenazayanê dişmenî, dest na çekêka MPT-55, 3 çekê AK-47 (Kaleşnîkof), cîhazê îrtîbatî, kasaturayêke û 2 xeyman ser, 7 hêzê dişmenî tasfîye kerdî. Na çalakîyêka netîcegîre bîye. Zaf girîng o ke Warê Xoverdayîşî yê Mamreşoyî de tîmê hereketînî taktîkanê dewrê neweyî bi profesyonelî anê ca û nişka ra derban danê piro.

Na çalakîye seba qesasê şehîdanê ma ameye kerdene ke Kelaua Xoverdayîşî ya Mamreşoyî de bi çeka kîmyewîye ameyê qetilkerdene. Coka na çalakîye nîşaneya perwerîya bi şehîdan a. coka mesajêko manadar û ca de yo. Na çalakîye de 3 îşxalkerî, 4 kontrayî ameyî cezakerdene. No zî bi cewabêko xurt o ke mojneno Kurdîstan de îxanet qetî do bêcewab nêmano.

Bi na çalakîye reyna îsbat bi ke her cayê Kurdîstanî de, bi taybetî warê Avaşînî de wexto ke metodê şerê tîmî bi raştî şuxilîyenê, netîceyê girîngî visîyenê destî. Sere de tîmanê hereketînan ê Şehîd Serdem û Şehîde Sarya yê ke na çalakîye kerde, ma pêro fermandar û şerwananê Eyaletê Avaşînî nê performans û profesyonelî ra semed fîraz kenê. Ma pêro embazanê ke bi ruhê fedayî yê Apogîrî tewrê Hemleya Şorişgêre ya Bazanê Zagrosî bîyê bi hîsanê şorişgêran selam kenê û înan rê serkewtiş wazenê.''