Fermandarîya Qerargehê Merkezê Pawitişê Şarî (MPŞ) eşkera kerd ke Sînan Dêrsim (Dalokay Şanli) hêrişêkê hewayî de şehîd bi.

Eşkerayîye wina ya:

''Fermandaranê xidar, xoverdayox û şorişgêran ê Dêrsimî û şarê Kurdîstanî ra embaz Sînan Dêrsim 27ê teşrîna verêne ya 2020î de Herêmanê Pawitişî yê Medya de hêrişêkê hewayî yê artêşa tirke dde şehîd bi.

Nameyê Qodî: Sînan Mirxan Adı Soyadı: Dalokay Şanli Cayê Bîyayîşî: Dêrsim Maye-Pî: Yazgulu-Alî Tarîx û Cayê Şehadetî: 27ê Teşrîna Verêne ya 2020î / Herêmê Pawitişî yê Medya

Pê nameyê Fermandarîya Qerargehê MPŞyî sere de keyeyê ercîyayeyî yê embaz Sînan Dêrsimî rê ma pêro şarê Kurdîstanî û şarê Dêrsimî rê serweşîye wazenê. Ma sozê xo dibare kenê ke şexsê embaz Sînan Dêrsimî de ma perwerê vîrameyîşanê pêro şehîdanê xo bibê û qetî dişmenî ra hesab bipersê.

Embazê ma Sînan Dêrsim vera qirkerdişê eperyalîstan, vera ferzkerdişê bêîradekerdişê şaran, vera tedaya teslîmgirewtişê cinîyan, vera polîtîkayanê ajanîye sereyê xo wedarit û hema ciwanîya xo de bi hawayêkê aktîfî tewrê têkoşînî bi.  Embaz Sînanî verî mîyanê karanê YCKyî de ca girewt û şaristan û metropolan de karê rêxistinîye kerdî.

Embaz Sînan seba ke pê hîkayeyeyan Seyîd Riza û Besêyan bi pîl wexto ke vera Rayberîye û têgêrayîşê ma komolo ame kerdene bêveng nêmen û rayberîya têkoşînê xoverdayîşî kerde. Embaz Sînan eşkayêne pêro embazan reyde têkilîyêke rono. O pê na taybetmendîya xo bi bingeyê serkewtişî yê têkoşînê şorişgêrî.

Embaz Sînan pê keda xo wezîfeyê Konseya Rayberdişî ya KCKyî zî kerdêne, tewrê karanê awankerdişê sîstemê Neteweya Demokratîje bi û pêro mesuldarîyê xo bi temamî ardî ca. O afernayox û jîhat bi, karan de şaşîye û bnkewtiş qebul nêkerdêne. Embaz Sînan wextêk Ewropa de îdarekarîye zî kerde.

Ewropa ra dima embaz Sînan derbazê welatî bi û prosesê ronayîşê HPGyî de endamîya Konseya Fermandarîye û Fermandarîya Akademîya Apollonî girewtî xo milî. Embaz Sînanî pê sebrê xo, pê nêzdîbîyayîşê xo, pê kelecanê xo xeylêk embazî perwerde kerdî û pê tewirê xo zerrîya pêro embazan de ca girewt.

Embaz Sînan endamêkê Komîteya Rayberdişî ya HBDHyî zî bi û seba karanê HBDHyî astêka mesuldare de ca girewt. Vîrameyîşê embaz Sînanî ser o nê îtîfaqê şorişgêrî û antîfaşîstî do xurtêr bibê, faşîzmî ra hesab bêro persayene.

Embaz Sînan Dêrsim murîdê dergehê eşqî û cigêrayoxê raştîye bi, o serê rêçê domananê rûmetênan ê Dêrsimî  Bêrîtan, Şiyar, Baran, Sara, Jîndar, Roza û Yilmazî de şîyayêne û ey heta hela peyêne seba azadîye û şoriş xîret kerd. Embaz Sînan pê uslubê xo yê balkêşî, durustî û tewirê xo yê sadeyî bi wayîrê tewirêkê mîsalî. Ey pê tewrbîyayîşê xo cewabêko xurt da plananê tasfîye.

Şehadetê embaz Sînan seba ma zaf çetin o. Ma anê ziwan ke ma do bieşkê dejanê xo biresbê serfîrazîye û heta peynî pabesteyê vîrameyîşê ey bibê. Sere de embaz Sînan ma pêro şehîdanê xo bi rêz û hûrmetî yad kenê. Ma sozê xo dibare kenê ke ma do pê ruhê Garê têkoşînî geş bikerê, faşîzmî birijnê. Ma do azadîye bîyarê ca, cuya azade awan bikerê û têkoşînê şorişgêrî pê serfîrazîye tacîdar bikerê.''